16.01.2026 | 21:15
Արծաթապատ եղջյուր, հեծանվային սաղավարտ․ Փաշինյանի ստացած նվերները փոխանցվել են Վարչապետի աշխատակազմի օգտագործմանը
«Շարունակեք հավատալ մինչև վերջ․ Արցախ, դիմացիր»․ Խաչանովը կրկին աջակցության խոսքեր է հղել
22.01.2023 | 20:58
2020 թվականի Օլիմպիական խաղերի արծաթե մեդալակիր, աշխարհի 20-րդ ռակետ, հայկական արմատներով ռուս թենիսիստ Կարեն Խաչանովը Ավստրալիայի բաց առաջնության քառորդ եզրափակիչ դուրս գալուց հետո կրկին աջակցության խոսքեր է գրել Արցախի Հանրապետությանը։
«Շարունակեք հավատալ մինչև վերջ․ Արցախ, դիմացիր»,- հեռուստատեսային տեսախցիկի վրա գրել է Խաչանովը։
Հիշեցնենք՝ օրեր առաջ Կարեն Խաչանովն Ավստրալիայի բաց առաջնությունում հերթական հաղթանակից հետո իր աջակցությունն էր հայտնել Արցախին։
Մրցախաղից հետո, ըստ ավանդության, թենիսիստները գրություն են թողնում տեսախցիկի վրա: Խաչանովն իր աջակցությունն էր հայտնել Արցախին` գրելով. «Արցախ, մնա ուժեղ»:
Խաչանովն իր կարիերայում առաջին անգամ է դուրս եկել Ավստրալիայի բաց առաջնության քառորդ եզրափակիչ, 1/8 եզրափակչում Կարենը 6:0, 6:0, 7:6 (7:4) հաշվով հաղթել է ճապոնացի Յոսիհիտո Նիշիոկային: Կիսաեզրափակչի ուղեգրի համար նա կմրցի 22-ամյա ամերիկացի Սեբաստիան Կորդայի (29) հետ։
