14.12.2024 | 19:57
Ինչ իրավիճակ է ճանապարհներին 19։35-ի դրությամբ
Թուրքիան ցուցադրել է հակատանկային նոր զրահամեքենա
13.06.2018 | 22:54
Թուրքիայի «FNSS» ռազմարդյունաբերական ընկերության «STA» (զենք կրող մեքենա) նախագծի շրջանակներում նախագծված և արտադրված «Պարս» (Pars 4×4) հակատանկային զրահամեքենան ցուցադրվում է Փարիզում մեկնարկած «Eurosatory» միջազգային ռազմարդյունաբերական փառատոնում։ Այս մասին գրում է ermenihaber.am-ը:
«Pars 4×4»-ը հնարավորություն ունի գործելու դաշտային տարատեսակ պայմաններում՝ մեծ հեռավորությունից խոցելով հակառակորդի արագընթաց և մանևրելու ունակ տանկերն ու այլ զրահամեքենաները։
Թուրքական արտադրության վերոնշյալ նոր զրահամեքենան կարող է նաև կարճ ժամանակում դիրքափոխվել և կրակ բացել հաջորդ թիրախի ուղղությամբ։ Հնարավորություն ունի նաև առանց հավելյալ նախապատրաստության ջուրը մտնելու։
Զրահամեքենան համալրված է հեռակառավարման համակարգով, ունի հակատանկային աշտարակ, որը կարող է ապահովել նաև բալիստիկ պաշտպանություն։ «Pars 4×4»-ն ունի 2 հակատանկային հրթիռ և 7․62 մմ տրամաչափի 1 գնդացիր։ Նախատեսվում է, որ զրամեքենան նախ կհամալրի Թուրքիայի ցամաքային ուժերի զինանոցը, ապա կմատակարարվի նաև դաշնակից երկրներին։
