18.12.2025 | 17:21
Մալաթիայի «Ոսկու շուկա»-ի տնօրենը ձերբակալվել է ապօրինի զենք կրելու կասկածանքով
Էրդողանը Հունաստանին մեղադրել է Լոզանի պայմանագիրը խախտելու մեջ
Քաղաքականություն
20.01.2023 | 21:14
Հունաստանի վարչապետ Կիրիակոս Միցոտակիսի դիրքորոշումը բավարար չէ տարածաշրջանի ճակատագիրը որոշելու համար։ Այս մասին Ստամբուլում ուրբաթօրյա աղոթքից հետո լրագրողներին հետ զրույցում հայտարարել է Թուրքիայի նախագահ Ռեջեփ Թայիփ Էրդողանը, գրում է Անադոլու գործակալությունը։
Նա նշել է, թե Աթենքն այսօր անտեսում է ինչպես Լոզանի խաղաղության պայմանագրի, այնպես էլ ապառազմականացված կղզիների կարգավիճակի վերաբերյալ այլ միջազգային համաձայնագրերի պահանջները։
«Որևէ տեղ գրված չէ այդ կզղիներում զենքերի տեղակայման մասին։ Սակայն հունական կողմը գործում է հակառակ ուղղությամբ, այսինքն՝ հակասում է միջազգային պայմանավորվածություններին»,- հայտարարել է Էրդողանը։
Նա կրկին սպառնացել է Հունաստանին՝ նշելով, որ Թուրքիան պատասխան քայլեր կձեռնարկի «դրա համար ճիշտ պահին»։
«Նրանց (Հունաստանին) մնում է միայն իրավիճակից ելք գտնել»,- ասել է Թուրքիայի նախագահը։
Էմմա Չոբանյան
