24.02.2026 | 18:18
Վահագն Խաչատուրյանին իր հավատարմագրերն է հանձնել ՀՀ-ում Պաղեստինի առաջին դեսպան Իսա Կասիսիենին
Եվրախորհրդարանը կողմ է քվեարկել Պուտինի համար հատուկ տրիբունալի ստեղծմանը
Քաղաքականություն
19.01.2023 | 17:13
Եվրամիությունն ու նրա անդամները պետք է հասնեն հատուկ միջազգային դատարանի ստեղծմանը՝ Ռուսաստանի քաղաքական և ռազմական ղեկավարության կողմից Ուկրաինայի դեմ ագրեսիայի հանցագործությունը հետապնդելու համար։ Այս մասին ասվում է Եվրախորհրդարանի ընդունած բանաձևում, որի օգտին քվեարկել է 472 պատգամավոր, 19-ը՝ դեմ, 33-ը՝ ձեռնպահ, գրում է DW-ի ռուսական ծառայությունը։
Եվրախորհրդարանը որոշել է, որ Ուկրաինայի և միջազգային հանրության հետ սերտ համագործակցությամբ պետք է ստեղծվի հատուկ տրիբունալ, որը նման է Երկրորդ համաշխարհային պատերազմից հետո Նյուրնբերգյան դատավարությանը, որտեղ դատվում էին նացիստական առաջնորդները։
Նախաձեռնության հեղինակների հիմնական խնդիրն է՝ գտնել դրա համար ընդհանուր իրավաբանորեն հիմնավորված ճանապարհ, և հիմնական պայմանն այն է, որ դատարանն իրավասու լինի հետապնդել ՌԴ նախագահ Վլադիմիր Պուտինին, Ռուսաստանի քաղաքական և ռազմական ղեկավարությանը, ինչպես նաև նախագահ Ալեքսանդր Լուկաշենկոյին ու Բելառուսի ղեկավարությանը։
Բանն այն է, որ երկրի բարձրագույն ղեկավարությունը պատասխանատու է ագրեսիայի հանցագործությունների համար, սակայն այն ենթակա է միջազգային անձեռնմխելիության օտարերկրյա քրեական իրավասությունից։ Սա նշանակում է, որ նման տրիբունալի համար անհրաժեշտ է հանել անձեռնմխելիությունը։
Եվրախորհրադարանի բանաձևում ասվում է, որ ԵՄ-ն և Ուկրաինան պետք է փնտրեն աջակցություն ՄԱԿ-ի Գլխավոր վեհաժողովում ու այլ միջազգային կառույցներում՝ ակտիվորեն օգտագործելով հանրային դիվանագիտությունը և ռազմավարական հաղորդակցությունը։
Էմմա Չոբանյան
