08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Կիպրոսը ծրագրում է անդամակցել ՆԱՏՕ-ին
Քաղաքականություն
25.11.2024 | 15:47
Կիպրոսը որոշել է միանալ Հյուսիսատլանտյան դաշինքին, հայտնում է հունական ekathimerini-ն՝ վկայակոչելով իր իրազեկ աղբյուրներին։ Ըստ պարբերականի՝ Կիպրոսի նախագահ Նիկոս Խրիստոդուլիդեսը հոկտեմբերին Վաշինգտոնում կայացած հանդիպման ժամանակ քննարկել է ՆԱՏՕ-ին երկրի անդամակցության հեռանկարը ԱՄՆ նախագահ Ջո Բայդենի հետ։
Կողմերը հատուկ ուշադրություն են դարձրել Կիպրոսի պաշտպանական ներուժի արդիականացմանը՝ ՆԱՏՕ-ի չափանիշներին համապատասխանելու համար։ Նիկոսիան համոզված է, որ անհրաժեշտ ենթակառուցվածքների և ներուժի առկայությունը երկիրը գրավիչ է դարձնում Վաշինգտոնի համար, նշում է Kathimerini-ն։
Բացի այդ, Կիպրոսը դիմել է ԱՄՆ-ին՝ ռազմական տեխնիկա ձեռք բերելու խնդրանքով, ինչպես նաև ցանկություն է հայտնել իր Ազգային գվարդիայի սպաներին ուղարկել ամերիկյան ռազմական ակադեմիաներում սովորելու։
Սպիտակ տան ազգային անվտանգության հարցերով խորհրդական Ջեյք Սալիվանը հաստատել է, որ Կիպրոսը ՆԱՏՕ-ին ինտեգրվելու երկարաժամկետ և ռազմավարական առումով հիմնավոր ծրագիր ունի։ Նրա խոսքով՝ Վաշինգտոնում այս պլանն անվանում են «հաղթանակի տարբերակ»։
Ծրագրի հիմնական տարրերն են Կիպրոսի կարգավորման առաջընթացը և Կիպրոսի ու Թուրքիայի միջև հարաբերությունների բարելավումը:
Թարգմանությունը՝ Տաթև Ֆռանգյանի
