01.06.2026 | 22:54
Ինչպես հայտագրել առաջին դասարանցիներին
Էստոնիայում քննարկվել են առողջապահության ոլորտում հայ-էստոնական համագործակցության հիմնական ուղղությունները
17.01.2023 | 21:58
Էստոնիայի առողջապահական բարեփոխումների հաջողված փորձը կարող է արդյունավետ լինել Հայաստանի առողջապահության կազմակերպման գործում։
Առողջապահության նախարարի առաջին տեղակալ Լենա Նանուշյանը ՀՀ նախագահ Վահագն Խաչատուրյանի գլխավորած պատվիրակության կազմում Էստոնիայի Տալլին քաղաքում է, որտեղ մի շարք հանդիպումներ է ունեցել Էստոնիայում առողջապահության բնագավառը համակարգող պատասխանատուների հետ։
ԱՆ մամուլի ծառայությունից տեղեկանում ենք, որ Էստոնիայի սոցիալական հարցերի նախարարի տեղակալ Հեյդի Ալասեփի հետ Լենա Նանուշյանը քննարկել է առողջապահության ոլորտում հայ-էստոնական համագործակցության հիմնական ուղղությունները:
Առողջության համապարփակ ապահովագրության համակարգի ներդրման բարեփոխումների, հաջողությունների, ինչպես նաև խնդիրների թեմայով Լենա Նանուշյանը հանդիպում է ունեցել Էստոնիայի առողջության ապահովագրության հիմնադրամի նախագահ Ռայն Լանեի հետ:
Քննարկվել են ֆոնդի կառավարմանը, գնումներին, ապահովագրական վճարի հավաքագրմանը, ինչպես նաև որակի վերահսկողությանն առնչվող հարցեր:
Անդրադարձ է եղել թվայնացման, բժշկական կազմակերպություններից տեղեկատվության հավաքագրման, վերլուծության ու վճարումների իրականացման էստոնական փորձին:
Լենա Նանուշյանը հանդիպել է նաև Էստոնիայի սոցիալական հարցերի առողջապահական համակարգի զարգացման վարչության պետ Հելի Պալուստեի հետ` քննարկելու ԱԱՊ օղակի բարեփոխումները, որին հաջորդել է այցը ԱԱՊ օղակի ընտանեկան բժշկական առողջական կենտրոն, որտեղ ներկայացվել են ընտանեկան բժիշկների գործառույթները, կառուցվածքը, էլեկտրոնային փաստաթղթաշրջանառությունը, վճարումները:
Լենա նանուշյանը ծանոթացել է նաև էստոնիայի բնակչությանը մատուցվող բուժծառայություններին և կանխարգելիչ սքրինինգային ծրագրերին:
