20.04.2026 | 15:59
Ուկրաինան Ղրիմում հարվածել է ռուսական երկու խոշոր դեսանտային նավերի ու ռադիոտեղորոշիչ կայանի
Բուժհաստատությունները կվերահսկվեն․ անբարեխղճություն այլևս թույլ չեն տա․ ՏԵՍԱՆՅՈՒԹ
Հասարակություն
13.06.2018 | 17:44
Առողջապահական վիճակը մեր երկրում շատ վատ է և բազմաթիվ պրոբլեմներ կան։ Այս մասին այսօր Ազգային ժողովում Կառավարություն-Ազգային ժողով հարցուպատասխանի ժամանակ բարձրաձայնեց պատգամավոր Տիգրան Ուրիխանյանը՝ նշելով, որ պետական պատվերի ուղեգիր ստացող քաղաքացիները չեն կարողանում անվճար բուժում ստանալ։
Պատգամավորի դիտարկմանն ի պատասխան՝ առողջապահության նախարար Արսեն Թորոսյանը նկատեց, որ պատգամավորի բարձրաձայնած խնդիրները կապված են բյուջեի անարդյունավետ բաշխման հետ և այստեղ կա նաև բուժհաստատությունների անբարեխիղճ աշխատանքի խնդիրը։
«Բուժհաստատությունները տարվա սկզբին ստանում են ոչ համաչափ դոտացիա և ֆինանսավորում։ Բուժհաստատությունները նաև արհեստականորեն ասում են, որ գումարը վերջացավ»,- ասաց նախարարը՝ որպես լուծում առաջարկելով փոխել բուժհաստատություններին տրվող ֆինանսավորման կարգը։
Մանրամասները՝ տեսանյութում։
