20.02.2026 | 09:56
Երևան-Երասխ ճանապարհին ավտոմեքենան բախվել է ճամփեզրյա ծառերին. կա զոհ
Էստոնիան աջակցում է Հայաստանի սահմանի երկայնքով ԵՄ դիտորդական առաքելության մեկնարկին
Քաղաքականություն
17.01.2023 | 11:17
Էստոնիայի Հանրապետություն կատարած աշխատանքային այցի շրջանակում նախագահ Վահագն Խաչատուրյանը հանդիպել էր Էստոնիայի նախագահ Ալար Կարիսի հետ և քննարկել Լեռնային Ղարաբաղում իրավիճակը։ Էստոնիայի նախագահն այս առիթով քննարկում է արել թվիթերում։ «Քննարկել ենք ղարաբաղյան տարածաշրջանում առկա լարվածությունը։ Երկուսս էլ համակարծիք ենք․ անհրաժեշտ է խաղաղ կարգավորում։ Մենք կոչ ենք անում բանակցային, համապարփակ և կայուն խաղաղության, որը ձեռք կբերվի միջազգային հանրության աջակցությամբ: Էստոնիան աջակցում է ԵՄ դիտորդական առաքելության մեկնարկին Ադրբեջանի հետ Հայաստանի սահմանի երկայնքով»,- գրել է Ալար Կարիսը։
Էստոնիայի նախագահը հանդիպմանն անդրադարձել է նաև ֆեյսբուքյան էջում՝ նշելով, որ Հայաստանի և Եվրոպական Միության միջև Համապարփակ և ընդլայնված համագործակցության համաձայնագիրը և Արևելյան գործընկերության շրջանակներում համագործակցությունն աստիճանաբար խորացնում են Հայաստանի և ԵՄ-ի միջև կապերը, ինչը լավ հնարավորություն է՝ խթանելու երկկողմ համագործակցությունն այնպիսի ոլորտներում, ինչպիսիք են էլեկտրոնային կառավարումը, նորարարությունը, տեխնոլոգիաները, կրթությունը և մշակույթը:
Տաթև Ֆռանգյան
