17.05.2026 | 18:48
Լսի՛, այ կալուգացի, ես քեզ ասել եմ` պետությունը կոկորդումդ ա մնալու, խռխռալու ես. Փաշինյան․ ՏԵՍԱՆՅՈւԹ
Քննարկվել է ՀՀ և Կատարի միջև առողջապահության բնագավառում համագործակցությանը վերաբերող համաձայնագիրը
12.01.2023 | 22:13
Քննարկվել է Հայաստանի և Կատարի կառավարությունների միջև առողջապահության բնագավառում համագործակցությանը վերաբերող համաձայնագիրը․ տեղեկացնում են ՀՀ ԱԺ-ից։
Համաձայնագրով նախատեսվում է Կատարի Պետության կառավարության հետ առողջապահության բնագավառում փոխշահավետ համագործակցություն, ինչն էլ կխթանի Հայաստանում ոլորտի զարգացումը, ինչպես նաեւ գիտակրթական ներուժի եւ առողջապահական ծառայությունների մակարդակի բարձրացումը:
««Հայաստանի Հանրապետության կառավարության եւ Կատարի Պետության կառավարության միջեւ առողջապահության բնագավառում համագործակցության վերաբերյալ» համաձայնագիրը վավերացնելու մասին» հարցը քննարկվել է հունվարի 12-ին կայացած Առողջապահության հարցերի մշտական հանձնաժողովի նիստում: Այն վարել է հանձնաժողովի նախագահ Նարեկ Զեյնալյանը:
ՀՀ առողջապահության նախարարի առաջին տեղակալ Լենա Նանուշյանի խոսքով փաստաթուղթը ստորագրվել է 2022 թ. հունիսի 13-ին:
«Համաձայնագրի ստորագրումից հետո մենք շարունակել ենք աշխատանքները Կատարի Պետության առողջապահության նախարարության գործընկերների հետ եւ ներկայումս մշակում ենք գործնական ծրագիր, որն առավել մանրամասն կանդրադառնա փաստաթղթում մատնանշված համագործակցության ուղղություններին»,- ընդգծել է փոխնախարարը:
Քննարկված հարցն արժանացել է հանձնաժողովի հավանությանը:
