Ահազանգ. կոյուղաջրերն արդեն 4 տարի փողոց են լցվում, տարածքում գարշահոտություն է․ ՏԵՍԱՆՅՈւԹ

Լուրեր

16.11.2026 | 11:04
Պեկինը հաստատել է՝ Չինաստանի, ԱՄՆ-ի և ՌԴ-ի ղեկավարները նոյեմբերի 19-ին եռակողմ հանդիպում կանցկացնեն Շենժենում
16.11.2026 | 11:03
19-ամյա Միրա Անդրեևան Ամփոփիչ մրցաշարի 2-րդ ամենաերիտասարդ հաղթողն է. ՏԵՍԱՆՅՈՒԹ
16.11.2026 | 11:02
Ժողովրդավարության հետընթացը, հալածանքների ենթարկվող անձանց իրավունքների պաշտպանությունը. ՈՒՂԻՂ
16.11.2026 | 11:02
ԱԺ պաշտպանության և անվտանգության հարցերի հանձնաժողովի նիստը. ՈՒՂԻՂ
16.11.2026 | 10:55
Հակակոռուպցիոն կոմիտեն Չինաստանի հետ քննարկել է կոռուպցիայի դեմ պայքարում համագործակցությունն ու տեխնիկական աջակցության հնարավորությունը
16.11.2026 | 10:42
Ամուսինը դանակով հարվածներ է հասցրել կնոջը և արգելել նրա շփումը երեք մանկահասակ երեխաների հետ․ ՔԿ
16.11.2026 | 10:30
Արտարժույթների փոխարժեքները՝ նոյեմբերի 16-ի դրությամբ
16.11.2026 | 10:23
Իսպանիայի հավաքականի ռեկորդային անպարտելի շարքն ավարտվել է. ՏԵՍԱՆՅՈՒԹ
16.11.2026 | 10:15
Աննա Վարդապետյանն ու Դուբայի գլխավոր դատախազը քննարկել են ապօրինի գույքի բռնագանձման և փողերի լվացման դեմ պայքարի հարցեր
16.11.2026 | 10:01
ԱԺ առողջապահության հարցերի հանձնաժողովի նիստը՝ ՈՒՂԻՂ
16.11.2026 | 09:58
46-ամյա Ռոնալդինյոն առաջին հանդիպումն է անցկացրել կարիերայի վերսկսումից հետո. ՏԵՍԱՆՅՈՒԹ
16.11.2026 | 09:50
«Ձորակ» խնամքի կենտրոնում ՄԻՊ-ն համակարգային խնդիրներ է արձանագրել․ սննդի որակից մինչև ոչ պատշաճ պայմաններ
16.11.2026 | 09:45
Փաշինյանն ու Կամբոջայի վարչապետը քննարկել են առևտրատնտեսական համագործակցության ընդլայնման հնարավորությունները
16.11.2026 | 09:38
Վահան Բիչախչյանը «Լեգիայի» կազմում գոլ է խփել երկրորդ խաղում անընդմեջ. ՏԵՍԱՆՅՈՒԹ
16.11.2026 | 09:30
Երևանի քաղաքապետարանի գործակարգավարական խորհրդակցությունը. ՈՒՂԻՂ
Բոլորը

Երևանի Աջափնյակ վարչական շրջանի Հալաբյան 31/5 հասցեում ապրողներն ահազանգում են․ արդեն 4 տարի կոյուղաջրերը փողոց են լցվում, իրենք ամեն օր ստիպված են այդ տհաճ հոտը շնչել ու կոյուղաջրերի միջով անցնել։

Բնակիչներն ասում են՝ բազմիցս դիմել են պատկան մարմիններին։ Անցյալ տարի թաղապետարանն ասֆալտապատել է ճանապարհը, որտեղից կոյուղաջրերը փողոց են լցվում, բայց հիմա էլ ասֆալտն է քանդվել։ Ըստ բնակիչների՝ միակ տարբերակը վնասված ու խցանված խողովակները փոխելն է։

«Մենք փորձել ենք մեր ուժերով հեռացնել կեղտաջրերը, բայց ինչպես տեսնում եք՝ հնարավոր չէ, պետք է ավելի գլոբալ լուծում տրվի։ Այս գարշահոտությունն ուղղակի անտանելի է, հատկապես՝ ամռանը»,- ասում է բնակիչներից մեկը։

Բնակիչների համար անցուդարձի ու երթևեկության միակ ճանապարհն է, շրջանցելու տարբերակ չունեն։

«Մարդիկ, որոնք ուզում են գնալ կողքի շենքերը կամ վերևի խանութը, այս ճանապարհով պիտի անցնեն, հիմա էլ կանգնած ենք ու հոտն արդեն խեղդում է»,- ասում է թաղամասի բնակիչ Վարդան Բաբայանը։

Թեև Վարդան Բաբայանը 31/5 հասցեում գտնվող շենքում չի բնակվում, բայց կոյուղին անցնում է նաև իրենց շենքի կողքով, և գարշահոտությունը նաև իրենց է անհանգստացնում։

«Ամբողջ բնակչությունն այդ հոտը շնչում է, ո՞ւմ է հաճելի՝ ոչ մեկին։ Պատկան մարմիններն արհամարհում են, ոչ մի օգուտ չկա»,- ընդգծում է նա։

Թեև բնակիչները վստահեցնում էին, որ «Վեոլիա ջրի» աշխատակիցները պարբերաբար գալիս, դիտահորերը ստուգում են, փորձում են լուծել խնդիրը, բայց «Վեոլիա ջուր» ընկերության հանրային կապերի բաժնի պետ Մուրադ Սարգսյանն ասաց, որ խնդրի մասին տեղյակ չեն, բողոքներ չեն ունեցել։ Ասաց՝ կպարզեն՝ ինչ խնդիր է, և եթե իրենց վերահսկողության տիրույթում լինի, կլուծեն։ Երևանի Աջափնյակ վարչական շրջանի ղեկավարի աշխատակազմից էլ չցանկացան հարցազրույց տալ՝ պատճառաբանելով, թե այսօր խիստ ծանրաբեռնված գրաֆիկ ունեն։

Մանրամասները՝ տեսանյութում։

Արփի Հակոբյան