05.11.2024 | 18:30
Նախաքննությամբ ձեռնարկված միջոցառումների արդյունքում 900 միլիոն դրամ է վերադարձվել պետությանը
Թուրքիայում քննարկվում է Ասիական խորհրդարանի ստեղծման հարցը
Քաղաքականություն
09.01.2023 | 22:27
Ասիական խորհրդարանական վեհաժողովը կարող է փոփոխությունների ենթարկվել և վերանվանվել Ասիական խորհրդարան։ Թուրքական կողմի այս առաջարկը քննարկվել է Անթալիայում, հայտնում է «Ինտերֆաքսը»՝ հղում կատարելով ՌԴ Պետդումայի փոխխոսնակ, վեհաժողովում ռուսական պատվիրակության ղեկավար Սերգեյ Նևերովին։
«Ասիական խորհրդարանական վեհաժողովի անդամ երկրները քննարկել են ավելի արդյունավետ ձևաչափի անցումը՝ Ասիական խորհրդարանի ստեղծումը: Դա առաջարկել են անդամ բազմաթիվ երկրներ՝ Թուրքիան, Իրանը և այլք»,- ասել է Նևերովը։ Նրա խոսքով՝ «խորհրդարանական վեհաժողովի անդամները պաշտպանել են այս որոշումը, այդ թվում՝ ռուսական պատվիրակությունը»։ «Մենք առաջարկում ենք քննարկել այս ձևաչափը, մեր կարծիքով, սա ավելի արդյունավետ հարթակ կլինի ասիական տարածաշրջանի խնդիրների և հարցերի լուծման համար»,- հավելել է Նևերովը։
Դումայի փոխխոսնակը նշել է, որ այս թեման քննարկվել է նաև թուրքական կողմի նախաձեռնությամբ պատվիրակությունների ղեկավարների առանձին հանդիպման ժամանակ։
Տաթև Ֆռանգյան
