30.11.2024 | 01:27
ՀՀ-ն հետ է կանչել Սիրիայում հումանիտար ականազերծման և բուժաշխատողների մասնագիտական խմբի ողջ անձնակազմին
Իրանի նախագահ Ռայիսին կայցելի Թուրքիա
Քաղաքականություն
09.01.2023 | 19:43
Իրանի արտգործնախարարության խոսնակ Նասեր Քանանին հայտնել է նախագահ Իբրահիմ Ռայիսիի՝ Թուրքիա այցի նախապատրաստման մասին։ Այս մասին այսօր՝ հունվարի 9-ին, հայտնել է իրանցի լրագրող Խայալ Մուազինը, փոխանցում է EADaily-ն։ Նշվում է, որ Ռայիսին Թուրքիա կայցելի Ռեջեփ Թայիփ Էրդողանի հրավերով։
Իսլամական Հանրապետության արտաքին գործերի նախարարության պաշտոնական ներկայացուցիչն իր ամենշաբաթյա ասուլիսում նշել է, որ Իրանի և Թուրքիայի հարաբերություններն այսօր գտնվում են «ամենաբարձր մակարդակի վրա»։
Ավելի վաղ հայտնի է դարձել, որ հունվարի 1-ից Իրանից Թուրքիա գազի մատակարարումները նվազել են 70%-ով։ Թուրքիան Իրանից տարեկան գնում է 7-ից 11 մլրդ խորանարդ մետր գազ կամ ընդհանուր ներմուծման մոտ 15%-ը։
Նշենք, որ Իրանն ու Թուրքիան պատմականորեն ընկալվում են որպես մրցակիցներ Կովկասում ու Մերձավոր Արևելքում։
Տաթև Ֆռանգյան
