Քաղաքականություն
04.01.2023 | 19:12
Թուրքիայի նախագահ Ռեջեփ Թայիփ Էրդողանը չի բացառել, որ երկրում նախագահական և խորհրդարանական ընտրությունները, հնարավոր է, ավելի վաղ անցկացվեն։ Թուրքական լրատվամիջոցների հաղորդմամբ՝ այս մասին նա լրագրողներին ասել է խորհրդարանում իշխող «Արդարություն և զարգացում» խմբակցության հետ հանդիպումից հետո։
«Մինչև ջրերը չհանդարտվեն, դա չի լինի։ Ինչ էլ խոսվի հրապարակային, ամեն ինչ գալիս է մեր օրակարգ։ Քանի որ մենք մեր ուղղությունը վերցնում ենք այն ամենից, ինչ խոսվում է հրապարակային»,- ասել է Էրդողանը։
Ընտրությունների օրվա փոփոխման դեպքում հնարավոր ժամկետներ են նշվում ապրիլի 30-ը, մայիսի 7-ը կամ մայիսի 14-ը։
Էմմա Չոբանյան
