15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Կարևորվել է ԵՄ-ի հետ համագործակցության ծրագրերի շարունակականությունը
Տնտեսություն
12.06.2018 | 11:33
ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանն ընդունեց ԵՄ ներկայացուցիչներին` Եվրոպական հանձնաժողովի Հարևանության հարցերով գլխավոր տնօրինության Հայաստանի, Ադրբեջանի, Բելառուսի և Արևելյան գործընկերության հարցերով բաժնի ղեկավար Վասիլիս Մարագոսի գլխավորությամբ. տեղեկացնում է ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունը:
Ողջունելով հյուրերին` նախարարը կարևորեց ԵՄ և Եվրոպական հանձնաժողովի հետ համագործակցության ծրագրերը։ Աշոտ Հակոբյանը ընդգծեց ՎԶԵԲ և Եվրոպական ներդրումային բանկերի ֆինանսավորմամբ «Հյուսիս-հարավ ճանապարհային միջանցքի ներդրումային ծրագրի» 3-րդ տրանշի իրականացումը և Եվրոպական ներդրումային բանկի աջակցությամբ իրականացվող Մ6 Վանաձոր-Ալավերդի ավտոճանապարհի վերականգնման ծրագիրը:
Նախարարը միաժամանակ նշեց, որ ակնկալում է համագործակցություն ոչ միայն ճանապարհաշինական, այլև նախարարության լիազորությունների շրջանակում գտնվող այլ ոլորտներում։
Վասիլիս Մարագոսը նախարարին փոխանցեց նախորդ տարի մշակված համագործակցության պլանը, որի շուրջ երկկողմ աշխատանքային խմբերը քննարկումներ պիտի ունենան և հաստատվի համագործակցության վերջնական ծրագիրը` արտացոլելով և՛ կարճաժամկետ, և՛ երկարաժամկետ գործակցության պլանը։
ՀՀ կառավարության հետ ՏՏ ոլորտում համագործակցության առումով ԵՀ ներկայացուցիչը նշեց նոր «Թումո» կենտրոնի ստեղծման ծրագիրը, որը նախատեսված կլինի ուսանողների համար և կհամագործակցի բիզնես սեկտորի հետ։
Կողմերը քննարկեցին նաև ճանապարհային անվտանգության ուղղությամբ կատարվող ծրագիրը` անդրադառնալով համագործակցության շարունակականությանը։
