13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Սև ծովում գազի պաշարները Թուրքիային կծառայեն ավելի քան 30 տարի
Քաղաքականություն
28.12.2022 | 22:02
Սև ծովի հանքավայրերում գազի պաշարները կբավականացնեն ավելի քան 30 տարի՝ Թուրքիայի բնակչության կարիքները հոգալու համար։ Այս մասին գրում են տեղական լրատվամիջոցները՝ իշխանություններին հղումով, փոխանցում է Euronews-ը։
Ավելի վաղ Թուրքիայի էներգետիկայի նախարար Ֆաթիհ Դյոնմեզը հայտարարել էր, որ օտարերկրյա փորձագետները հաստատել են Սև ծովում նոր հանքավայրի հայտնաբերումը 58 միլիարդ խորանարդ մետր գազի պաշարներով։ Այն հայտնաբերվել է 3 կմ խորության վրա՝ «Չայջումա-1» հորատանցքը հորատելիս։
Այժմ Թուրքիայի տարածքային ջրերում կապույտ վառելիքի ընդհանուր պաշարները գնահատվում են 710 միլիարդ խորանարդ մետր։
Թուրքիան վերջին տարիներին իր շելֆում մի քանի հանքավայրեր է հայտնաբերել։ Ամենամեծը դեռ համարվում է Սաքարիան, որի պաշարները գերազանցում են 400 միլիարդ խորանարդ մետրը։
Տաթև Ֆռանգյան
