16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՄԱԿ-ը կոչ է արել հետաքննել ռազմական հանցագործություններն Ուկրաինայում
Քաղաքականություն
28.12.2022 | 16:39
ՄԱԿ-ի մարդու իրավունքների գերագույն հանձնակատար Վոլքեր Թյուրքը կոչ է արել քրեական պատասխանատվության ենթարկել Ուկրաինայի դեմ Ռուսաստանի պատերազմի ժամանակ կատարված հանցագործությունների պատասխանատուներին, գրում է DW-ի ռուսական ծառայությունը։
«Հանցագործները պետք է իմանան, որ չեն կարող խուսափել դրանից», – նախազգուշացրել է Թյուրքը Ժնևում epd-ին տված հարցազրույցում:
Նրա գնահատմամբ՝ այս փուլում թվում է, թե մեծամասնությունը կկարողանա խուսափել պատժից։ Եթե նրանք չեն կարող պատասխանատվության ենթարկվել Ուկրաինայում կամ Ռուսաստանում, ապա ՄԱԿ-ի անդամ երկրները պետք է որոշում կայացնեն միջազգային տրիբունալի ստեղծման մասին, կարծում է Գերագույն հանձնակատարը։
Քրեական հետապնդումներ կարող են հարուցվել նաև առանձին երկրների կողմից, ասել է Վոլքեր Թյուրքը։ Որպես օրինակ՝ նա նշել է այն դեպքը, երբ 2021 թվականի փետրվարի 24-ին Կոբլենցի Բարձրագույն շրջանային դատարանը սիրիացի Էյադ Ա.-ին դատապարտեց 4.5 տարվա ազատազրկման՝ մարդկության դեմ հանցագործություններին մեղսակցության համար։
Տաթև Ֆռանգյան
