29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Էրդողանը հայտնել է Սև ծովում նոր գազային հանքավայրի հայտնաբերման մասին
Քաղաքականություն
27.12.2022 | 22:54
Թուրքիայի նախագահ Ռեջեփ Թայիփ Էրդողանը նախօրեին Կառավարության նիստից հետո հայտնել է, որ «Ֆաթիհ» հորատող նավը Չայջումա-1 հանքավայրում 3023 մետր խորության վրա հայտնաբերել է բնական գազի՝ 58 մլրդ խորանարդ մետրի հասնող պաշարներ, գրում է Անադոլու գործակալությունը։
«Սև ծովում բնական գազի մեր պաշարներն ավելացրել են 170 մլն խորանարդ մետրով՝ հասնելով, ընդհանուր առմամբ, 710 մլրդ խորանարդ մետրի։ Թուրքիայում նավթի օրական արդյունահանումն այսօր հասել է 80 հազար բարելի։ Մենք նպատակ ունենք հաջորդ տարի այդ ցուցանիշը հասցնել 100 հազար բարելի: Մենք վճռական ենք՝ Թուրքիան դարձնել Կասպից, Միջերկրական և Մերձավոր Արևելքի էներգետիկ կենտրոն։ Մեր վերջնական նպատակն է հռչակել Թուրքիայի էներգետիկ անկախությունը՝ ամբողջությամբ հրաժարվելով օտարերկրյա նավթից և բնական գազից»,- ասել է Էրդողանը։
Նա նաև խոսել է Սիրիայում հնարավոր նոր ռազմական գործողությունից։
«Մենք թևակոխում ենք պայքարի նոր փուլ, որը կոչնչացնի ահաբեկչական կազմակերպության բոլոր ռեսուրսներն ու ենթակառուցվածքները, ինչպես նաև նրա զինված ներուժը։ Մենք կփակենք Սիրիայի 30 կմ անվտանգության գծի բացերը և կձեռնարկենք նոր քայլեր՝ ամբողջությամբ վերացնելու համար մեր երկրի դեմ ուղղված սպառնալիքները»,- հայտարարել է Թուրքիայի նախագահը։
Էմմա Չոբանյան
