15.12.2025 | 17:13
Yandex Go-ի վարորդների բողոքի ակցիան. ՈւՂԻՂ
Ես էլ հակառակը կասեմ․ Զախարովան՝ Փաշինյանի հայտարարության մասին
Քաղաքականություն
22.12.2022 | 15:04
ՌԴ ԱԳՆ պաշտոնական ներկայացուցիչ Մարիա Զախարովան իր ամենշաբաթյա ճեպազրույցի ժամանակ արձագանքել է ՀՀ վարչապետ Նիկոլ Փաշինյանի հայտարարությանն այն մասին, որ ռուս խաղաղապահները չեն ապահովել Լաչինի միջանցքի անձեռնմխելիությունը և չեն խանգարել Ադրբեջանին՝ արգելափակել այն։
«Ես կարող եմ հակառակն ասել․ իրենց առաքելությունը ռուս խաղաղապահները լավ են կատարում»,- կարճ պատասխանել է Զախարովան լրագրողի հարցին։
Հստակեցնող հարցին՝ արդյո՞ք ինչ-որ քայլեր ձեռնարկվում են իրավիճակի կայունացման համար, Զախարովան պատասխանել է․ «Դրանք արդեն իսկ ձեռնարկվում են։ Աշխատանքներ են տարվում։ Մինչ այս էլ սրացումներ եղել են, և ո՛չ մեկ անգամ։ Եղել են խդիրներ և կողմերը մեղադրել են միմյանց։ Եվ հենց ռուս խաղաղապահներն են ամեն ինչ արել իրավիճակի կայունացման համար, և դա նրանց մոտ ստացվել է։ Այդ պատճառով մեր խաղաղապահների հանդեպ նման վերաբերմունքն ընդունելի չէ»։
Հիշեցնենք՝ այսօր ՀՀ վարչապետ Նիկոլ Փաշինյանը հայտարարել է, որ ռուս խաղաղապահները չեն կատարում Լաչինի միջանցքի վերահսկողության հետ կապված իրենց պարտավորությունները։
Տաթև Ֆռանգյան
