17.12.2025 | 16:42
Մարտունու մի գազալցակայանում հայտնաբերվել են թույլատրելի նորմը 8 և 10 անգամ գերազանցող շեղումներ
Ալբանիան Թուրքիայից երեք Bayraktar TB2 անօդաչու թռչող սարք է գնել
Քաղաքականություն
22.12.2022 | 23:30
Ալբանիան թուրքական արտադրության երեք Bayraktar TB2 անօդաչու թռչող սարք է գնել։ Այս մասին գրում է AP-ն՝ վկայակոչելով կառավարության մամուլը ծառայությանը։
Չի նշվում, սակայն, թե ալբանական կողմը որքան է վճարել անօդաչու թռչող սարքերի համար, որոնք կրում են թեթև, լազերային կառավարվող ռումբեր: Գործարքը ստորագրվել է երեքշաբթի։
Ալբանիայի վարչապետ Էդի Ռաման ասել է, որ անօդաչուները զինված կլինեն և պատրաստ պայքարի, որը, հուսով է, «երբեք չի լինի»։ Դրանք նաև օգտագործվելու են երկրի տարածքի՝ թմրանյութերի տնկման, հրդեհների, ջրհեղեղների և ցանկացած ահաբեկչական գործունեության վերահսկման համար։
«Բայրաքթար» ընկերությունն ալբանացի 30 զինվորականների է պատրաստելու օդային հսկողության և շահագործման համար։ Նրանք կգործեն Կուչովայի ավիաբազայից, որը գտնվում է մայրաքաղաք Տիրանայից 80 կիլոմետր հարավ։ Օդային բազան վերանորոգվում է՝ աջակցելու ՆԱՏՕ-ի օդային մատակարարման գործողություններին, նյութատեխնիկական ապահովմանը, օդային ոստիկանությանը, ուսուցմանը և վարժանքներին:
«Մենք Ալբանիայի հետ արտահանման պայմանագիր ենք ստորագրել՝ մի երկրի հետ, որի կողքին քայլել ենք դարեր շարունակ և կիսում ենք ամուր պատմական, մշակութային և հումանիտար կապեր»,- ասել է թուրքական ընկերության սեփականատեր Հալուք Բայրաքթարը՝ հավելելով, որ անօդաչուներ են վաճառել արդեն 27 երկրի։
Էմմա Չոբանյան
