30.10.2026 | 10:15
Իսրայելի խորհրդարանական ընտրությունների արդյունքներով ոչ մի քաղաքական դաշինք մեծամասնություն չի ստացել
Արտակ Բեգլարյանը դադարեցնում է նստացույցը. ՏԵՍԱՆՅՈւԹ
21.12.2022 | 21:32
Արցախի պետնախարարի խորհրդական Արտակ Բեգլարյանը դադարեցնում է Հայաստանում ՄԱԿ-ի գրասենյակի առջև նստացույցը: Այս տեղեկությունը նա հայտնեց իր ֆեյսբուքյան էջում` կից հրապարակելով տեսանյութ:
Բեգլարյանը հայտարարեց, որ ամեն երեկո ժամը 19:00-ից հավաքվելու են ՄԱԿ-ի գրասենյակի առջև, մտքերի փոխանակում են անելու, նորություններով են կիսվելու և ծրագրելու են առաջիկա անելիքները։ Նա հավելեց, որ օրվա ընթացքում էլ յուրաքանչյուրը կիրականացնի իր աշխատանքային պարտականությունները:
«Դրան զուգահեռ մենք հորդորում ենք բոլոր նախաձեռնող խմբերին ու անձանց չդադարեցնել բողոքի ակցիաները, գտնել ոչ ստանդարտ, կրեատիվ լուծումներ և հնարավորինս ակտիվորեն ձայնը բարձրացնել: Նաև պետք է հաշվի առնել, որ միջազգային կազմակերպությունները, դեսպանատներն ամսի 24-ից գտնվելու են արձակուրդում, նաև դրանով դժվարանում են պայքարի այս ձևերը իրենց արդյունավետության տեսանկյունից»,- ընդգծեց Բեգլարյանը։
Հիշեցնենք, որ Արտակ Բեգլարյանն արդեն 8-րդ օրն է՝ նստացույց էր անում ՄԱԿ-ի հայաստանյան գրասենյակի առջև՝ բողոքի ձայն բարձրացնելով ադրբեջանցիների կողմից «Լաչինի միջանցքը» փակելու դեմ։
Դեկտեմբերի 16-ին նա հանդիպում է ունեցել Հայաստանում ՄԱԿ-ի մշտական համակարգողի պաշտոնակատար Քրիստինե Վայգանդի հետ։
Մանրամասները՝ տեսանյութում։
