10.12.2025 | 18:50
Ալավերդիից դեպի «Սանահին» թաղամաս և Ակներ տանող ճանապարհը ժամանակավորապես կփակվի
Չեմպիոնների շքերթը Բուենոս Այրեսում ավարտվել է անկարգություններով
Քաղաքականություն
21.12.2022 | 14:59
Բուենոս Այրեսում աշխարհի առաջնությունում Արգենտինայի հավաքականի հաղթանակը նշելու տոնակատարություններն ավարտվել են անկարգություններով և ոստիկանության հետ բախումներով։ Ավելի քան 30 մարդ վիրավորվել է, 13-ը բերման է ենթարկվել։
Երկրպագուներին զայրացրել է թիմի հետ հանդիպման վատ կազմակերպումը։ Մարդիկ հույս ունեին, որ գոնե կտեսնեն իրենց հերոսներին, բայց ոչ բոլորին է հաջողվել, գրում է Euronews-ը։
Ազգային հավաքականի ժամանման ակնկալիքով միլիոնավոր արգենտինացիներ դուրս են եկել Բուենոս Այրեսի փողոցներ ու մայրուղիներ: Ի սկզբանե նախատեսված էր, որ ազգային հավաքականը կանցնի Արգենտինայի մայրաքաղաքի գլխավոր խորհրդանիշի՝ Օբելսկի կողքով։ Սակայն ոստիկանությունը չի կարողացել զսպել մարդկանց հոսքը։ Մարզիկներով ավտոբուսը շարժվել է խխունջի արագությամբ. 11 կիլոմետր անցնելու համար պահանջվել է մեկ ժամ:
Շքերթն ավարտվել է ժամանակից շուտ՝ այն բանից հետո, երբ երկու հոգի կամրջից ցատկել են խաղացողներին տեղափոխող բաց ավտոբուսի մեջ։
Ի վերջո, խաղացողները տեղափոխվել են ուղղաթիռներով, որոնք պտտվել են Բուենոս Այրեսի առանցքային կետերի շուրջ: Այնուհետև ազգային հավաքականը վերադարձել է Արգենտինայի ֆուտբոլի ասոցիացիայի գլխավոր գրասենյակ մայրաքաղաքի արվարձաններում։
Տաթև Ֆռանգյան
