26.08.2026 | 12:45
Սերժ Սարգսյանի նկատմամբ խափաման միջոց է ընտրվել բացակայելու արգելքը
Լաչինի միջանցքի անհապաղ բացման վերաբերյալ միջազգային փոխհամաձայնություն կա. Միրզոյան
Քաղաքականություն
21.12.2022 | 11:17
ՀՀ արտաքին գործերի նախարար Արարատ Միրզոյանը «Թվիթերի» իր միկրոբլոգում գրառումներ է կատարել` անդրադառնալով երեկ ՄԱԿ-ի ԱԽ-ում Լաչինի միջանցքի փակման հարցով քննարկումներին։
«ՄԱԿ-ի Անվտանգության խորհրդի երեկվա քննարկումը հստակորեն վկայում է Ադրբեջանի կողմից արգելափակված Լաչինի միջանցքի անհապաղ և անվերապահ բացման վերաբերյալ միջազգային ուժեղ և միանշանակ կոնսենսուսի մասին։ Հայաստանի և Լեռնային Ղարաբաղի միջև անվտանգ և ապահով կապը պետք է վերականգնվի»,- նշված է ԱԳ նախարարի գրառման մեջ։
Միրզոյանը նաև շնորհակալություն է հայտնել ՄԱԿ-ի ԱԽ անդամներին իրենց դիրքորոշման համար։ «Հայաստանը գնահատում է ՄԱԿ ԱԽ անդամների արդար և սկզբունքային դիրքորոշումը»,- նշել է նա։
