13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Էրդողանը շարունակում է ձայներ կորցնել
Քաղաքականություն
20.12.2022 | 22:24
Թուրքիայում նախընտրական շրջանում թուրքական մի շարք վիճակագրական կազմակերպություններ անցկացնում են տարբեր սոցհարցումներ՝ պարզելու համար, թե 2023-ին կայանալիք նախագահական և խորհրդարանական ընտրություններում ինչպիսի պատկեր են ունենալու։
Ermenihaber-ը գրում է, որ վերջին հարցումը, որ հրապարակվել է, անվանվել է «հարցումների հարցում», քանի որ այն ներառել է 2021-ի հունվարից մինչև 2022-ի նոյեմբեր ժամանակահատվածում արված բոլոր հարցումների միջին արդյունքը։
Ըստ դրա՝ ընդդիմադիր կուսակցություններից ստեղծված «Ազգ» (Millet) դաշինքի ձայները կազմում են 40․8%, իշխող «Արդարություն և զարգացում» կուսակցության (ԱԶԿ) և «Ազգայնական շարժում» կուսակցության (ԱՇԿ) կազմած «Ժողովուրդ» (Cumhur) դաշինքը՝ 40%, իսկ քրդամետ «Ժողովուրդների դեմոկրատական» կուսակցությունը՝ 10․4%։ Չկողմնորոշվածների ձայները ներառյալ՝ արդյունքներն այսպիսին էին 2021-ի հունվարին․ «Ժողովուրդ» դաշինք՝ 46․3%, «Ազգ» դաշինք՝ 37%։
Իսկ նույն տարվա դեկտեմբերին «Ազգ» դաշինք՝ 40․2%, «Ժողովուրդ» դաշինք՝ 40%։ Արդեն 2022-ի նոյեմբեր ամսին ձայները կազմել են «Ազգ» դաշինքի համար՝ 40․8%, իսկ «Ժողովուրդ» դաշինքը 0․6%-ով կորուստ է ունեցել։
