13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Ակցիայի մասնակիցները ՌԴ դեսպանատան մոտ են․ ՏԵՍԱՆՅՈւԹ
Քաղաքականություն
20.12.2022 | 20:43
Այսօր հանուն Արցախի «կյանքի ճանապարհի»՝ հայտնի ու սիրված դերասանները և նրանց միացած մտահոգ քաղաքացիները ակցիա են իրականացնում՝ պահանջելով աշխարհից բացել Լաչինի միջանցքը։ Ակցիայի մասնակիցները քայլերթ են իրականացնում դեպի դեսպանատներ և ՄԱԿ-ի գրասենյակ։ Այս պահին նրանք Ռուսաստանի դեսպանատան առջև են։
Այս բողոքի ակցիան քաղաքական չէ, այլ նպատակ ունի միջազգային հանրությանը ցույց տալու, որ Հայաստանում չեն լռում։
«Բացել Կյանքի ճանապարհը, «Արցախ» վանկարկում են ակցիայի մասնակիցները։
Հիշեցնենք՝ դեկտեմբերի 12-ից Ադրբեջանի մի խումբ քաղքացիներ բնապահպանների անվան տակ փակել են Լաչինի միջանցքը, որն Արցախը Հայաստանին կապող միակ ցամաքային ճանապարհն է։
Փակ ճանապարհի հետևանքով Արցախում կենսական նշանակության լրջագույն խնդիրներ են առաջացել։ Հայաստանից Արցախ չեն հասնում սննդամթերք, դեղորայք, առաջին անհրաժեշտության այլ ապրանքներ։ Վտանգված է առողջական խնդիրներ ունեցող մի խումբ արցախցիների՝ այդ թվում՝ երեխաների կյանքը։
Մանրամասները՝ տեսանյութում։
