07.08.2026 | 13:50
«Ծաղկաձորում մարզվելը հիանալի է»․ Արման Ծառուկյան
Պետական մարմինները, անհարկի բողոքարկելով, շարունակում են դատարաններին ծանրաբեռնել․ դատավորի թեկնածու․ ՏԵՍԱՆՅՈՒԹ
Հասարակություն
20.12.2022 | 14:58
ՀՀ ազգային ժողովն արտահերթ նիստում քննարկում է Վճռաբեկ դատարանի վարչական պալատի դատավորի թափուր տեղի համար առաջադրված թեկնածուների ընտրության հարցը:
Բարձրագույն դատական խորհուրդը Վճռաբեկ դատարանի վարչական պալատի դատավորի թափուր տեղի համար առաջադրել է Արման Թովմասյանի, Վահագն Թորոսյանի և Արգիշտի Ղազարյանի թեկնածությունները:
Ներկայացված 3 թեկնածուներից ԱԺ-ն պետք է ընտրի Վճռաբեկ դատարանի վարչական պալատի դատավորի թեկնածու:
Նենք, որ ընդդիմադիր «Հայաստան» խմբակցությունը հայտարարեց, որ չի մասնակցում հարցի քննարկմանը։
Արման Թովմասյանի գնահատմամբ՝ վերջերս տեղի ունեցած օրենսդրական փոփոխության արդյունքում Վճռաբեկ դատարանի վարչական պալատի ստեղծումը արդարադատության համակարգում անձի դատական պաշտպանության իրավունքի իրացման արդյունավետությունն ապահովելուն ուղղված նշանակալի քայլ էր։
Թեկնածուն ուշադրություն հրավիրեց ինստիտուցիոնալ խնդիրներին, որոնց լուծումը թույլ կտա բարձրացնել վարչական արդարադատության արդյուանվետությունը ՀՀ-ում։
Թովմասյանը մասնավորապես շեշտեց դատարանների ծանրաբեռնվածության խնդրի առկայությունը։ Նա նաև հավելեց, որ պետական մարմինները, անհարկի բողոքարկելով, շարունակում են դատարաններին ծանրաբեռնել։
Նշենք, որ Արման Թովմասյանն աշխատում է Վերքննիչ դատարանում որպես դատավոր։
Մանրամասները՝ տեսանյութում։
