30.10.2026 | 20:18
Միրզոյանը Բահրեյնում կմասնակցի «Մանամայի երկխոսություն» անվտանգության ֆորումին
Զասը հայտարարել է, որ ՀԱՊԿ-ը Լաչինի միջանցքի խնդիրն իր պատասխանատվության գոտին չի համարում
Քաղաքականություն
20.12.2022 | 13:18
ՀԱՊԿ-ը ելնում է նրանից, որ Լաչինի միջացքի խնդրի լուծումը, որը միջազգային մակարդակով բարձրացնում է Երևանը, դուրս է կառույցի պատասխանատվության գոտուց։ Այս մասին ՌԻԱ Նովոստիին հայտնել է ՀԱՊԿ գլխավոր քարտուղար Ստանիսլավ Զասը։
«Հայաստանից Լաչինի միջանցքի հետ կապված դիմումներ չեն եղել։ Մենք ելնում ենք նրանից, որ դա ՀԱՊԿ պատասխանատվության գոտուց դուրս է»,- ասել է Զասը։
Հավելենք, որ արդեն 9-րդ օրն է՝ ադրբեջանցիները շարունակում են փակ պահել Լաչինի միջանցքը։ Արցախում տեղակայված ռուս խաղաղապահ զորախումբն էլ, որը պատասխանատու է Լաչինի միջանցքի անվտանգության ու դրանով անխափան երթևեկության համար՝ ըստ 2020 թվականի նոյեմբերի 9-ի եռակողմ հայտարարության, առաձնակի քայլեր չի ձեռնարկում միջանցքի արգելափակումը վերացնելու համար։
Էմմա Չոբանյան
