16.09.2026 | 12:52
Ալեն Սիմոնյանն ընդունել է Հայաստանում Վրաստանի դեսպանին
ՄԱԿ-ի գլխավոր քարտուղարը 2023 թվականին խաղաղության հույս ունի
Քաղաքականություն
20.12.2022 | 14:23
ՄԱԿ-ի գլխավոր քարտուղար Անտոնիո Գուտերեշն ասել է, որ Ուկրաինայում ռազմական առճակատումը կշարունակվի, և մոտ ապագայում Կիևի և Մոսկվայի միջև արդյունավետ խաղաղ բանակցությունների հնարավորություն չկա։ Միաժամանակ, նա հույս է հայտնել, որ պատերազմը կավարտվի հաջորդ տարվա վերջին, գրում է Euronews-ը։
«Ես իսկապես հուսով եմ, որ 2023 թվականին մենք կկարողանանք խաղաղության հասնել Ուկրաինայում: Հետևանքները Ուկրաինայի ժողովրդի, Ռուսաստանի հասարակության և Ռուսաստանի տնտեսության, համաշխարհային տնտեսության, հատկապես՝ զարգացող երկրների համար, բարձր պարենային ու էներգետիկ գները և մյուս բոլոր դժվարությունները, որոնք կապված են բարձր գների հետ, աճող պարտքերը, ֆիսկալային տարածքի բացակայությունը և դրամատիկ իրավիճակը, որին բախվում են զարգացող երկրները, այս ամենը պատճառ են հանդիսանում, որպեսզի մենք անենք հնարավորը՝ մինչև 2023 թվականի վերջը խաղաղ լուծում մշակելու համար»,- նշել է Անտոնիո Գուտերեշը։
Հիշեցնենք, որ ուկրաինական կողմը հայտարարում է, որ Ռուսաստանը պետք է ամբողջությամբ դուրս բերի իր զորքերը, և ցանկացած բանակցություն, որը հաշվի չի առնում միջազգայնորեն ճանաչված երկրի սահմանները, անընդունելի է։
Տաթև Ֆռանգյան
