23.04.2026 | 17:09
Գործադիրն առաջարկում է 16 տարին լրացած անձանց համար նույնականացման քարտ ունենալը դարձնել պարտադիր
Ինչո՞ւ ՀԱՊԿ-ը զորք չուղարկեց Հայաստան․ Ստանիսլավ Զասի մեկնաբանությունը
Քաղաքականություն
19.12.2022 | 16:32
ՀԱՊԿ գլխավոր քարտուղար Ստանիսլավ Զասը մեկնաբանել է, թե ինչո՞ւ ՀԱՊԿ-ը զորք չուղարկեց Հայաստան և չօգնեց դեօկուպացնել ՀՀ ինքնիշխան տարածքը։ Նա առաջարկել է մտածել այն մասին, թե ինչ կլիներ, եթե ՀԱՊԿ-ը զորք ուղարկեր Հայաստան։ Այս մասին ՀԱՊԿ գլխավոր քարտուղարը հայտարարել է 2022 թվականի ամփափմանը նվիրված մամլո ասուլիսի ժամանակ։
«Ես ինքս աշխատել եմ մոնիթորինգային առաքելությունում, այն ղեկավարել եմ Հայաստանում։ Որոշ անգամ բարձրաստիճան պաշտոնյաներից հնչել են նման գնահատականներ՝ ինչո՞ւ զորքերը չեկան, չօգնեցին տարածքների դեօկուպացմանը և այլն։ Պետք է հասկանալ նման քայլերի հետևանքները՝ ընդհուպ մինչև մի քանի պետությունների մասնակցությամբ տարածաշրջանային պատերազմի սանձազերծումը»,- մամուլի ասուլիսի ժամանակ ասել է ՀԱՊԿ գլխավոր քարտուղար Ստանիսլավ Զասը։
Ըստ նրա՝ առաջարկվող լուծումները համարժեք ու հավասարակշռված են։ Նա նաև իր անհամաձայնությունն է հայտնել պնդումներին, թե ՀԱՊԿ-ը փորձում է երես թեքել Հայաստանից։
Տաթև Ֆռանգյան
