19.12.2025 | 21:55
ԱԱԾ-ին վերագրվող թուղթ է հրապարակվել. Եզրաս արքեպիսկոպոսի՝ ԿԳԲ-ի գործակալ լինելու պնդման արձագանքները․ ՏԵՍԱՆՅՈՒԹ
Հաջորդ վեց ամիսը վճռորոշ է լինելու. Զելենսկի
Քաղաքականություն
15.12.2022 | 19:40
Ռուսաստանի հետ Ուկրաինայի պատերազմի հաջորդ վեց ամիսները վճռորոշ են լինելու և ավելի մեծ ջանքեր կպահանջեն, քան նախկինում։ Այս մասին հայտարարել է Ուկրաինայի նախագահ Վլադիմիր Զելենսկին՝ դեկտեմբերի 15-ին տեսակապով ելույթ ունենալով Եվրոպական խորհրդում, գրում է korrespondent-ը։
«Առաջիկա վեց ամիսները շատ առումներով վճռորոշ կլինեն այն առճակատման համար, որը Ռուսաստանը սկսեց այս ագրեսիայով: Ագրեսիա Ուկրաինայի և ձեզանից յուրաքանչյուրի դեմ, քանի որ Ռուսաստանի վերջնական թիրախը շատ ավելի հեռու է, քան մեր սահմանն ու ինքնիշխանությունը: Հաջորդ վեց ամիսը մեզանից նույնիսկ է՛լ ավելի շատ ջանքեր կպահանջի, քան այս ամբողջ անցած ժամանակահատվածը»,- ասել է Զելենսկին։
Նա նաև նշել է, որ Ռուսաստանի էներգետիկ ահաբեկչությունը պետք է հաղթել բոլոր ձևերով։
«Երկրորդը Ուկրաինայի ձմեռային կայունությունն է: Ես ձեզ կոչ եմ անում շարունակել ամեն ինչ անել, որպեսզի մենք կարողանանք ապահովել ուկրաինացիների էներգամատակարարումը: Երրորդ ասպեկտը պաշտպանական աջակցությունն է: Այն պետք է լինի ոչ պակաս, քան վերջին վեց ամիսներին: Մեզ ավելի ժամանակակից զենք է անհրաժեշտ, ավելի մեծ ծավալների մատակարարումներ։ Եվ չորրորդը դիվանագիտությունն է»,- հավելել է Զելենսկին։
Տաթև Ֆռանգյան
