16.09.2026 | 10:22
Լոս Անջելեսում լրատվամիջոցի ուղղաթիռ է վթարի ենթարկվել․ զոհվել է երեք մարդ․ ՏԵՍԱՆՅՈՒԹ
Պայթյուն և հրդեհ Անգարսկի նավթավերամշակման գործարանում. պայթյունի հզորությունից սեյսմոլոգները երկրաշարժ են գրանցել
Քաղաքականություն
15.12.2022 | 18:41
Իրկուտսկի շրջանի Անգարսկի նավթավերամշակման գործարանում պայթյուն և ուժեղ հրդեհ է գրանցվել։ Պատահարի հետևանքով երկու մարդ զոհվել է, հինգը՝ վիրավորվել։ Պայթյունն այնքան ուժեղ է եղել, որ երկրաֆիզիկական ծառայությունը սեյսմիկ իրադարձություն է գրանցել։
Միջադեպը տեղի է ունեցել Արևելյան Սիբիրի խոշորագույն ձեռնարկությունում, որը ներառված է «Ռոսնեֆտ»-ի մեջ։
Անգարսկի նավթաքիմիական ընկերության (ANHK) արդյունաբերական տեղամասում գտնվող պրոցեսորային գործարանում հրդեհը սկսվել է տեղական ժամանակով մոտավորապես 06:00-ին: Հրդեհը տարածվել է 2,5 հազար քառակուսի մետր տարածքի վրա, տեղական ժամանակով 11:00-ի սահմաններում այն մարվել է։
Նահանգապետ Իգոր Կոբզևը հայտնել է, որ նավթավերամշակման գործարանում տեղի ունեցած պայթյունի ժամանակ գրանցվել է սեյսմիկ իրադարձություն, որը տեղի բնակիչներից շատերը շփոթել են երկրաշարժի հետ։
Սեյսմոլոգների տվյալներով՝ պայթյունը զգացվել է նաև Իրկուտսկում (Անգարսկից ավելի քան 40 կմ ուղիղ գծով)։ ՌԴ Արտակարգ իրավիճակների նախարարությունում հայտնել են, որ միջադեպի նախնական պատճառը պրոցեսորային կայանների համակարգերի գազային աղտոտվածությունն է։ Քննչական կոմիտեն քրեական գործ է հարուցել արտադրական անվտանգության պահանջները խախտելու դեպքի առթիվ։
При взрыве на нефтеперерабатывающем заводе в Ангарске погибли два человека. pic.twitter.com/LH3UMMSz6e
— Подпоручик Киже (@Lt_Kizhe) December 15, 2022
Տաթև Ֆռանգյան
