27.02.2026 | 11:55
NYMEX․ Ոսկու գինը նվազել է
ԱՄՆ-ը մտադիր է «խելացի ռումբերի» համար նախատեսված համալիրներ փոխանցել Ուկրաինային․ The Washington Post
Քաղաքականություն
15.12.2022 | 22:57
ԱՄՆ-ը նախատեսում է Ուկրաինային ուղարկել առաջադեմ էլեկտրոնային սարքավորումներ, որոնք կարող են չկառավարվող ավիացիոն զինամթերքը վերածել «խելացի ռումբերի», որոնք էլ իրենց հերթին կարող են բարձր ճշգրտությամբ խոցել ռուսական դիրքերը։ Այս մասին հայտնում է The Washington Post-ը՝ վկայակոչելով ամերիկացի երկու բարձրաստիճան պաշտոնյայի, փոխանցում է DW-ի ռուսական ծառայությունը։
Սարքավորումներում GPS տեխնոլոգիայի վրա հիմնված սարք է, որը կարող է տեղադրվել տարբեր զինատեսակների վրա: Լրատվամիջոցի զրուցակիցները չեն հստակեցրել՝ ուկրաինական կողմը նման լրակազմերով կհամալրելու է ավիացիա՞ն, թե՞ ցամաքային զենքերը։
Հրապարակման պահին պարզ չի եղել նաև՝ ԱՄՆ նախագահ Ջո Բայդենը կամ ազգային անվտանգության հարցերով նրա խորհրդականն արդյո՞ք հավանություն տվել են նման սարքավորումների մատակարարմանը։ Վաշինգտոնը նախկինում Ուկրաինային մատակարարել է առաջադեմ սպառազինություն, այդ թվում՝ արագընթաց HARM հակառադարային հրթիռներ։
Հավելենք, որ օրերս էլ մամուլում տեղեկություններ էին հայտնվել, որ ԱՄՆ-ը պատրաստվում է Ուկրաինային Patriot ՀՕՊ համակարգեր մատակարարել։
Էմմա Չոբանյան
