07.08.2026 | 13:50
«Ծաղկաձորում մարզվելը հիանալի է»․ Արման Ծառուկյան
ԱՀԿ-ից հստակ քայլեր ենք ակնկալում․ բոլոր խողովակներով փորձում ենք ճնշում գործադրել Ադրբեջանի վրա․ ՏԵՍԱՆՅՈՒԹ
15.12.2022 | 13:24
Հնարավոր չէ սանավիացիայի միջոցով Ստեփանակերտում գտնվող ծանր հիվանդներին Երևան տեղափոխել․ եթե հնարավոր լիներ, կարվեր։ Կառավարության նիստից հետո լրագրողների հետ զրույցում այս մասին հայտարարեց առողջապահության նախարար Անահիտ Ավանեսյանը։
Նախարարի հավաստմամբ՝ Արցախի այն գյուղական համայնքները, որոնք Լաչինի միջանցքի փակման հետևանքով կտրվել են Ստեփանակերտից, ՀՀ առողջապահության նախարարության միջոցով դեղորայք և անհրաժեշտ բժշկական պարագաներ են ստացել։
«Մենք ուժեղացրել ենք Գորիսի ԲԿ–ի ծառայությունների սպեկտորը, քանի որ շատ քաղաքացիներ, որոնք մնացել էին ճանապարհներին, այդ թվում երեխաներ, հենց այնտեղ են ժամանակավոր հանգրվանել։ Ես անմիջական կապի մեջ եմ արցախցի գործընկերներիս հետ, և մեր մասնագետներն էլ աշխատում են Ստեփանակերտի հիվանդանոցի բժիշկների հետ»,- նշեց Ավանեսյանը։
Նրա խոսքով` հումանիտար ճգնաժամն առկա է, սակայն արվում է ամեն ինչ, որ գոնե ծանր հիվանդների վիճակը վերահսկելի լինի։
Նախարարը նաև հավելեց, որ ԱՀԿ–ից հստակ գնահատական և ճնշում են ակնկալում Լաչինի միջանցքը փակելու հարցում։ Ավանեսյանի խոսքով՝ մասնավորապես Ադրբեջանում տեղակայված նրանց գրասենյակը կարող է ճնշում գործադրել, որպեսզի թույլ տան ծանր հիվանդները Երևան տեղափոխվեն։
Մանրամասները՝ տեսանյութում։
