21.02.2026 | 15:17
Օդի ջերմաստիճանը ողջ հանրապետությունում կնվազի ևս 5-8 աստիճանով
Ադրբեջանը պետք է դադարեցնի Լաչինի միջանցքի արգելափակումը․ Freedom House
Քաղաքականություն
15.12.2022 | 12:02
Freedom House միջազգային կազմակերպությունն անդրադարձել է Ադրբեջանի կողմից Լաչինի միջանցքի փակմանը։ «Մենք կոչ ենք անում միջազգային հանրությանը վերահաստատել աջակցությունը բանակցություններին առանց հարկադրանքի: Ադրբեջանը պետք է դադարեցնի Լաչինի միջանցքի արգելափակումը, որը Լեռնային Ղարաբաղն արտաքին աշխարհին կապող միակ ճանապարհն է»,-ասվում է կազմակերպության թվիթերյան գրառման մեջ։ Կազմակերպությունը Բաքվին նաև կոչ է անում վերականգնել Արցախի գազամատակարարումը։
«Մենք անհանգստացած ենք հաղորդումներից, որ Ադրբեջանը ևս մեկ անգամ ընդհատել է գազամատակարարումը Լեռնային Ղարաբաղ։ Մենք կոչ ենք անում Ադրբեջանի կառավարությանը վերականգնել տարածաշրջանի բնակիչներին գազի անխափան մատակարարումը։ Վերջապես, մենք կոչ ենք անում ԵԱՀԿ Մինսկի խմբի երկրներին ու 2020 թ-ի նոյեմբերի 9-ի եռակողմ հայտարարության կողմերին անհրաժեշտ քայլեր ձեռնարկել՝ապահովելու Լեռնային Ղարաբաղի բնակչության իրավունքներն ու անվտանգությունը, ներառյալ՝ նրանց ազատ տեղաշարժը»,-ասվում է գրառման մեջ։
Էմմա Չոբանյան
