30.10.2026 | 11:18
Հարկադիրի Շիրակի բաժնի պետը կալանավորվել է
Թուրքիա-Ադրբեջան-Թուրքմենստան ղեկավարների գագաթնաժողովում Ալիևը կրկին արծարծել է «Զանգեզուրի միջանցքի» թեման
Քաղաքականություն
14.12.2022 | 14:35
Թուրքմենական Թուրքմենբաշի քաղաքում մեկնարկել է Ադրբեջանի, Թուրքիայի և Թուրքմենստանի ղեկավարների առաջին եռակողմ գագաթնաժողովը։ Ադրբեջանի նախագահ Իլհամ Ալիևն իր ելույթում կրկին խոսել է գոյություն չունեցող «Զանգեզուրի միջանցքից»։
«Ներկայումս ակտիվ աշխատանքներ են տարվում «Զանգեզուրի միջանցքի» ստեղծման ուղղությամբ։ «Զանգեզուրի միջանցքի» ադրբեջանական հատվածում երկաթուղու վրա կատարված աշխատանքների ծավալը կազմում է 40%, իսկ մայրուղունը՝ 70%։ Բոլոր աշխատանքները կավարտվեն 2024 թվականին, արդյունքում կստեղծվի նոր տրանսպորտային միջանցք»,- ասել է Ալիևը։
Նա նաև կոչ է արել Թուրքիային ու Թուրքմենստանին՝ ուժեղացնել համագործակցությունն անվտանգության ու պաշտպանության ոլորտում։
«Ներկայում աշխարհում կան նոր մարտահրավերներ ու սպառնալիքներ։ Այդ իսկ պատճառով, այլ ոլորտների հետ մեկտեղ, մեծ նշանակություն ունի մեր երկրների միջև անվտանգության, պաշտպանական և պաշտպանական արդյունաբերության ոլորտում համագործակցության ընդլայնումը»,- ասել է Ադրբեջանի նախագահը։
Էմմա Չոբանյան
