07.06.2026 | 18:17
Մեր պրինցիպները պահելով` կհամագործակցենք բոլորի հետ բացի ՔՊ-ից ու Քոչարյանի ուժից. Մարության. ՏԵՍԱՆՅՈՒԹ
Անընդունելի է ԼՂ խաղաղ բնակչության թիրախավորումը․ ԱՄՆ Պետդեպի խոսնակ
Քաղաքականություն
14.12.2022 | 12:41
ԱՄՆ պետքարտուղարության խոսնակ Նեդ Փրայսը Լաչինի միջանցքի փակմանը և Արցախում ստեղծված հումանիտար խնդիրներին անդրադարձել է հերթական ճեպազրույցում։
«Մենք հստակ նշել ենք, որ Լաչինի միջանցքի փակումը ունի լուրջ մարդասիրական հետևանքներ։ Այն հետ է մղում խաղաղության գործընթացը։ Մենք կոչ ենք անում Ադրբեջանի կառավարությանը վերականգնել միջանցքով ազատ տեղաշարժը։ Առաջ գնալու ճանապարհը բանակցությունների միջոցով է։ Ես ուզում եմ հստակ ասել է, որ ցանկացած խափանում, իսկ մենք տեսել ենք էներգետիկ ենթակառուցվածքների խափանման մասին հաղորդումներ, էներգետիկ ենթակառուցվածքի ցանկացած խափանում կարող է հանգեցնել հումանիտար ճգնաժամի, հատկապես, երբ մենք մտնում ենք ձմեռային ամիսներ: Եթե միտումնավոր է՝ անընդունելի է Լեռնային Ղարաբաղի քաղաքացիական բնակչության թիրախավորումը»,-ասել է Փրայսը։
Հիշեցնենք՝ որ երեկվանից ադրբեջանական կողմը փակել է Հայաստանից Արցախ գազի մատակարարման փականը, իսկ ավելի քան երկու օր է՝ փակ է մնում Լաչինի միջանցքը։
Ավելի վաղ Նեդ Փրայսը խնդրին անդրադարձել էր նաև թվիթերյան գրառմամբ։
Էմմա Չոբանյան
