05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
ՌԴ-ն և Թուրքիան պատրաստ են հարաբերությունների խորացմանը․ Պետդումայի ղեկավարն Անկարայում է
Քաղաքականություն
13.12.2022 | 21:09
ՌԴ Պետդումայի նախագահ Վյաչեսլավ Վոլոդինը պաշտոնական այցով Թուրքիայում է, որտեղ բանակցություններ է անցկացրել նախագահ Ռեջեփ Թայիփ Էրդողանի հետ, գրում է ՌԲԿ-ն։
«Մենք պայմանավորվեցինք հաջորդ տարի անցկացնել բարձր մակարդակի միջխորհրդարանական հանձնաժողովի նիստ։ Բացի այդ, քննարկել ենք հաջորդ տարի ահաբեկչության դեմ պայքարի և տարածաշրջանային համագործակցության ամրապնդման հարցերով խորհրդարանների նախագահների համաժողով անցկացնելու հնարավորությունը»,- ասել է Վոլոդինը բանակցությունների արդյունքներով։
Բացի այդ, Վոլոդինը հանդիպել է նաև Թուրքիայի Ազգային Մեծ ժողովի նախագահ Մուսթաֆա Շենթոփի հետ։
Անադոլուի հաղորդմամբ՝ Շենթոփն ասել է, որ Թուրքիայի և Ռուսաստանի Դաշնության միջև հարաբերությունների զարգացումը պետք է հիմնված լինի փոխադարձ վստահության, հարգանքի և անկեղծության վրա։ Թուրքիայի խորհրդարանի նախագահի խոսքով՝ Վոլոդինի հետ բանակցություններում քննարկվել է միջխորհրդարանական կապերի հետագա զարգացման հարցերի լայն շրջանակ։
«Թուրքիայի և Ռուսաստանի հարաբերությունները գտնվում են շատ բարձր մակարդակի վրա՝ ինչպես միջկառավարական հարաբերությունների, այնպես էլ տնտեսության և առևտրի ոլորտներում»,- ասել է Շենթոփը։
Էմմա Չոբանյան
