25.11.2024 | 19:26
Պատժամիջոցների հետևանքով Թուրքիայի և ՌԴ-ի միջև առևտրաշրջանառության նվազում է կանխատեսվում․ Անկարայում ՌԴ դեսպան
ՌԴ-ն ուժեղացնում է պաշտպանական դիրքերը Լուգանսկում, սակայն փորձում է հարձակվել Դոնեցկում․ ISW
Քաղաքականություն
13.12.2022 | 15:49
Ռուսական զորքերը շարունակում են համախմբվել Ուկրաինայի արևելքում՝ ուժեղացնելու պաշտպանությունը Լուգանսկի և Խարկովի մարզերում, ինչպես նաև աջակցելու սահմանափակ հարձակողական գործողություններին Դոնեցկի շրջանում։ Այս մասին ասվում է Պատերազմի ուսումնասիրության ամերիկյան ինստիտուտի (ISW) զեկույցում, գրում է BBC-ի ռուսական ծառայությունը։
Վկայակոչելով ուկրաինացի վերլուծաբաններին՝ ISW-ն գրում է, որ Ռուսաստանը «համակարգում է զորքերի վերահսկողությունը» Արևմտյան ռազմական օկրուգի Խարկով-Լուգանսկի ուղղությամբ, այդ շրջանում 20-րդ համազորային բանակը գործում է երեք ուղղություններով՝ Սվատովոյի շրջանում, Կրեմեննայա-Ռուբիժնոյե գծում և Լուգանսկի շրջանի հյուսիս-արևմուտքում։
Տարածքում նկատվել են նաև 1-ին և 2-րդ բանակային կորպուսների, 76-րդ օդային դեսանտի և 106-րդ օդադեսանտային դիվիզիայի մասերը։ Ռուսական և ուկրաինական աղբյուրները ենթադրում են, որ այդ ուղղությամբ կա մոբիլիզացվածների բարձր կենտրոնացվածություն, հավանաբար, ստորաբաժանումների բացերը լրացնելու համար։ Այն փաստը, որ օդադեսանտային ուժերը գործում են Լուգանսկի մարզում, հուշում է, որ դեսանտայինները վերաբաշխվել են Խերսոնի շրջանի Դնեպրի աջ ափում։
Զեկույցի հեղինակները նշում են, որ «Վագներ» խմբի մարտիկները 1-ին ու 2-րդ բանակային կորպուսների աջակցությամբ պատասխանատվություն են կրում հարձակողական գործողությունների համար Դոնեցկի շրջանում, հատկապես՝ Բախմուտի շուրջ և Դոնեցկի արևմտյան հատվածում։
Էմմա Չոբանյան
