17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Էրդողանը Հունաստանին բալիստիկ հրթիռների հարվածներով է սպառնացել
Քաղաքականություն
12.12.2022 | 17:07
Թուրքիայի նախագահ Ռեջեփ Թայիփ Էրդողանը Հունաստանին սպառնացել է «Թայֆուն» բալիստիկ հրթիռների հարվածով, եթե Աթենքը զինտեխնիկա ուղարկի Էգեյան ծովում Դոդեկանես արշիպելագ։ Այս մասին գրում է Իզվեստիան՝ վկայակոչելով թուրքական Milliyet-ին։
«Եթե դուք հանգստություն չպահպանեք, եթե փորձեք զինվել Ամերիկայի կամ այլ երկրների օգնությամբ, ապա Թուրքիան մի կողմում չի կանգնի։ Մենք կարող ենք հանկարծակի գիշերով գալ, երբ ժամանակը գա»,- ասել է Էրդողանը։
Նա նշել է, որ «Թայֆուն» հրթիռները, որոնց փորձարկումը հաջողությամբ է անցել վերջերս, կարող են հասնել մինչև Հունաստանի մայրաքաղաք։
«Մենք սկսել ենք մեր սեփական հրթիռները ստեղծել, որի արտադրությունը վախեցնում է հույներին»,- ասել է Էրդողանը։
Ըստ թուրքական իշխանությունների՝ «Թայֆուն» հրթիռը կարող է 456 վայրկյանում 561 կմ անցնել։
Հավելենք, որ Էրդողանը պարբերաբար նման սպառնալիքներ է հնչեցնում Աթենքի հասցեին՝ Էգեյան ծովի Հունաստանի կղզիների շուրջ լարվածության ֆոնին։
Էմմա Չոբանյան
