30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
ԱՄՆ-ն առաջին անգամ պատժամիջոց է սահմանել ադրբեջանցի պետական պաշտոնյայի նկատմամբ
Քաղաքականություն
12.12.2022 | 14:34
ԱՄՆ-ը պատժամիջոցներ է սահմանել Ադրբեջանի ՆԳՆ աշխատակից, ոստիկանության գնդապետ Քերիմ Ալիմարդանավի նկատմամբ՝ մարդու իրավունքների խախտման ու ոտնահարման համար։ Ալիմարդանովը, որն Ադրբեջանի ՆԳՆ կազմակերպված հանցավորության դեմ պայքարի գլխավոր վարչության աշխատակից է, հայտնվել է ԱՄՆ Պետքարտուղարության մարդու իրավունքների խախտումների և կոռուպցիայի համար տարբեր երկրներից ավելի քան 40 մարդկանց ցուցակում։
7031 հոդվածի համաձայն՝ ԱՄՆ Պետքարտուղարությունը Ալիմարդանովի նկատմամբ քրեական պատասխանատվություն է կիրառել մարդու իրավունքների կոպիտ խախտումների, հատկապես՝ 2015 և 2016 թվականներին ձերբակալվածների խոշտանգումների մեջ ներգրավված լինելու համար։
Նշենք, որ առաջին անգամ է, երբ ԱՄՆ-ը պատժամիջոց է սահմանում ադրբեջանցի պետական պաշտոնյայի նկատմամբ և, ընդհանրապես, սա միջազգային առաջին պատժամիջոցն է ադրբեջանցի պաշտոնյայի դեմ։
Չի հստակեցվում, թե կոնկրետ ի՞նչ պատժամիջոցների մասին է խոսքը, սակայն սովորաբար դա նշանակում է ԱՄՆ մուտքի արգելք, ԱՄՆ-ում հաշիվների և սեփականության կալանք, եթե դրանք կան։ Անձինք, որոնց նկատմամբ կա քրեական հետապնդում, կարող են ԱՄՆ պահանջով ձերբակալվել երրորդ երկրներում։
Ի դեպ, ուշագրավ է, որ ադրբեջանցի պաշտոնյայի դեմ պատժամիջոցների կիրառման մասին, բացառությամբ Ադրբեջանի համեմատաբար անկախ և ընդդիմադիր որոշ ԶԼՄ-ների, իշխանական ու պետական քարոզչական խոշոր լրատվականները պարզապես չեն գրում։
Էմմա Չոբանյան
