19.12.2025 | 14:36
19 մլն դրամ կորցրի Գազպրոմի անունից խաղարկության, 17 հզր դոլար էլ`«Deliver» կազմակերպությունից. տուժած. ՏԵՍԱՆՅՈՒԹ
Զելենսկին շնորհակալություն է հայտնել Բայդենին «աննախադեպ օգնության համար»
Քաղաքականություն
12.12.2022 | 12:12
Ուկրաինայի նախագահ Վլադիմիր Զելենսկին ԱՄՆ նախագահ Ջո Բայդենի հետ հեռախոսազրույցում շնորհակալություն է հայտնել ԱՄՆ-ին «աննախադեպ ռազմական և ֆինանսական օգնության համար»։
ԱՄՆ-ի աջակցությունը ոչ միայն նպաստել է Ուկրաինայի հաջողությանը մարտի դաշտում, այլ նաև օգնել է պահպանել Ուկրաինայի տնտեսության կայունությունը, Զելենսկիի խոսքերն է փոխանցում BBC-ի ռուսական ծառայությունը։ Զելենսկին նաև հայտնել է, որ երկուշաբթի կմասնակցի G-7-ի առցանց գագաթնաժողովին։ «Արդեն այսօր Մեծ յոթնյակի գագաթնաժողովը կկայանա, կմասնակցի Ուկրաինան։ Այժմ մենք համաձայնեցրել ենք մեր դիրքորոշումները Ամերիկայի հետ։ Սա շատ կարևոր գագաթնաժողով է լինելու։ Նորություններ կլինեն»,- խոստացել է Զելենսկին։
Բայդենը հավաստիացրել է Ուկրաինային շարունակական աջակցությունը, ասել է Սպիտակ տունը՝ նշելով, որ ԱՄՆ-ն առաջնահերթություն է համարում օգնել ուժեղացնել Ուկրաինայի հակաօդային պաշտպանությունը։ Հավելենք, որ կիրակի օրը Ուկրաինայի նախագահը հեռախոսազրույց է ունեցել նաև Ֆրանսիայի նախագահ Էմանուել Մակրոնի և Թուրքիայի նախագահ Ռեջեփ Թայիփ Էրդողանի հետ։
Տաթև Ֆռանգյան
