14.10.2026 | 14:42
ԵՄ-ն Ուկրաինային 2,86 մլրդ եվրո է հատկացնում՝ ԱԹՍ-ների, հրթիռների և մարտի դաշտում առկա հրատապ կարիքների համար
Վաղարշապատի հիվանդանոցի հետ կապված «ստորջրյա քարեր» կան․ Արսեն Թորոսյան
Տնտեսություն
08.06.2018 | 12:55
Առողջապահության նախարար Արսեն Թորոսյանն այսօր Կառավարության նիստում առաջարկեց փոխել Կառավարության 2018 թվականի ապրիլի 12-ին ընդունված որոշման մի նախագիծ, որով առաջարկվել է Վաղարշապատի հիվանդանոցը հավատարմագրային կառավարման հանձնել մրցույթի միջոցով և հավելեց, որ այս հիվանդանոցի հետ կապված «ստորջրյա քարեր» կան։
Նախարարը նշեց, որ 2000-ական թվականներին առողջապահության ոլորտում իրականացվել են բժշկական կենտրոնների օպտիմալացում, պոլիկլինիկաները և հիվանդանոցները միացել են իրար՝ դառնալով բժշկական կենտրոններ, ինչը եղել է շատ ճիշտ որոշում, քանի որ կատարվել է ֆինանսական խնայողություն։ Սակայն, քանի որ Վաղարշապատի հիվանդանոցի հետ կապված կան «ստորջրյա քարեր», որոնք կապված են հիմնարկների ղեկավարների միջամտություններով, Վաղարշապատի պոլիկլինիկան և հիվանդանոցը չեն օպտիմալացվել։
Առողջապահության նախարարը անհեթեթ որակեց հիվանդանոցը հավատարմագրային կառավարման հանձնելու որոշումը և նշեց, որ անհրաժեշտ են այստեղ հստակ լուծումներ իրականացնել, քանի որ սա բացառիկ դեպք է։
Որոշումն ընդունվեց, իսկ վարչապետը հավելեց, որ Կառավարության որոշումները պետք է բխեն առողջապահության համակարգից, ոչ թե սեփականաշնորհման։
