20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
ԵԽ-ն Բաքվին կոչ է արել վերանայել ԶԼՄ-ների մասին օրենքը, վերականգնել փաստաբաններին կոլեգիայում և արդարացնել ակտիվիստներին
Քաղաքականություն
09.12.2022 | 19:42
ԵԽ-ն Բաքվին կոչ է արել վերանայել ԶԼՄ-ների մասին օրենքը, վերականգնել փաստաբաններին կոլեգիայում և արդարացնել ակտիվիստներին
Դեկտեմբերի 8-ին Ստրասբուրգում Եվրոպայի խորհրդի Նախարարների կոմիտեի 1451-րդ նիստում, որտեղ քննարկվում էր Մարդու իրավունքների եվրոպական դատարանի որոշումների կատարման ընթացքը, Ադրբեջանի վերաբերյալ կայացվել են որոշումներ։
1lurer.am-ի հաղորդմամբ՝ ՄԻԵԴ-ի որոշումների մոնիթորինգի խմբի ղեկավար Խալիդ Աղալիևը հայտնել է, որ ՄԻԵԴ-ը գոհունակություն է հայտնել լրագրող Խադիջա Իսմայիլովայի գործով հետաքննության վերսկսման կապակցությամբ:
Միաժամանակ նշվում է, որ պետք է հետաքննվեն Իսմայիլովայի դեմ իրականացված գործողությունների դրդապատճառները, կատարվեն բոլոր վկաների հարցաքննություն և փաստերի հետաքննություն։
ԵԽ Նախարարների կոմիտեն անդրադարձել է նաև ԶԼՄ-ների մասին նոր օրենքին՝ նշելով այն լրամշակելու և Եվրոպայի խորհրդի չափանիշներին լիովին համապատասխանեցնելու անհրաժեշտությունը։
Կոմիտեն նաև կոչ է արել Ադրբեջանի կառավարությանը տեղեկատվություն տրամադրել ԶԼՄ-ների զարգացման գործակալության կազմի և աշխատանքային պրակտիկայի մասին, որն իրավասու է լրատվամիջոցներին ներառել մեկ ռեգիստրում: Բացի այդ, պահանջել են հետաքննել լրագրողների դեմ կատարված հանցագործությունները։
«Անար Մամեդլի խմբի» գործով ՄԻԵԴ-ը գոհունակություն է հայտնել, որ Ադրբեջանի Գերագույն դատարանը լիովին արդարացրել է NIDA շարժման ակտիվիստներ Շահին Նովրուզլուին և Վահիդ Ազիզովին։
Միաժամանակ, ԵԽ Նախարարների կոմիտեն պահանջել է չեղարկել Խադիջա Իսմայիլովայի, իրավապաշտպաններ Ինթիգամ Ալիևի, Լեյլա Յունուսի, Արիֆ Յունուսի, ակտիվիստներ Գիյաս Իբրահիմովի, Բայրամ Մամեդովի (հետմահու) դատվածությունը, նրանց լրիվ արդարացնել և վերականգնել քաղաքացիական բոլոր իրավունքները։
Հանձնաժողովը պահանջել է նաև Էլչին Նամազովին և Խալիդ Բաղիրովին վերականգնել փաստաբանների միությունում:
