24.05.2026 | 14:33
Ամենաուշը 2 տարուց մենք կունենանք Հայաստան-Եվրամիություն վիզաների ազատականացված վիճակ․ Նիկոլ Փաշինյան
«Քեֆ անողին քեֆ չի պակսի». ՀՀԿ-ականները ԱԺ-ում խմում էին. «Ժողովուրդ»
08.06.2018 | 10:38
«Ժողովուրդ» թերթը գրում է.
Երեկ ՀՀԿ-ական պատգամավորների համար առանձնահատուկ օր էր: Նախկինում միայն Սերժ Սարգսյանին հաճոյանալու և ՀՀԿ-ին օգնելու համար էին կոճակ սեղմող պատգամավորները երկար մնում խորհրդարանում, իսկ երեկ էլ ստիպված էին այդպես վարվում արդեն Նիկոլ Փաշինյանին կողմ քվեարկելու համար:
«Ժողովուրդ» օրաթերթը տեղեկացավ, որ վաղ առավոտից մեծ թվով պատգամավորներ իրենց օրը սկսեցին և ավարտեցին ՀՀԿ խմբակցության պատգամավոր Արայիկ Գրիգորյանի աշխատասենյակում, ում տանն էլ նաև օրեր առաջ հավաքվել էին արդեն Սերժ Սարգսյանի գլխավորությամբ:
Եվ ընդմիջումից ընդմիջում Արայիկ Գրիգորյանի սենյակակիցներն այնտեղից դուրս էին գալիս ալկոհոլ օգտագործած վիճակում: Ի դեպ, Գրիգորյանը միանգամից երեք սենյակ է զբաղեցնում երկրորդ հարկում:
Միջանցքի վերջում Գրիգորյանի հյուրերը երեկ մեծ թիվ էին կազմում՝ Աշոտ Արսենյան, Արկադի Համբարձումյան, Նահապետ Գևորգյան, Արտակ Սարգսյան և այլք:
Ընդ որում՝ ընդմիջումից ընդմիջում նրանք չէին փոխվում: Եվ այդ նույն մարդիկ մինչև վերջ մնացին Նիկոլ Փաշինյանին կողմ քվեարկելու համար»:
Առավել մանրամասն՝ թերթի այսօրվա համարում:
