27.02.2026 | 01:53
«Նոան» խոշոր հաշվով պարտվեց «ԱԶ Ալկմարին» ու դուրս մնաց Կոնֆերենցիաների լիգայից․ ՏԵՍԱՆՅՈՒԹ
Անկարան և Մոսկվան փորձում են համատեղ լուծել Բոսֆորով առանց ապահովագրության նավերի անցման հարցը
Քաղաքականություն
09.12.2022 | 16:26
Մոսկվան և Անկարան լուծումներ են փնտրում Բոսֆորով նավերի անցման համար։ Առաջարկվող տարբերակներից մեկը համատեղ ապահովագրական ընկերության ստեղծումն է։ «Իզվեստիա»-ի հետ զրույցում այս մասին հայտնել է Ռուս-թուրքական գործարար խորհրդի տնօրեն Ալեքսեյ Եգարմինը։
Նրա խոսքով՝ Ռուսաստանը հույս ունի, որ առաջիկա օրերին կհաջողվի կարգավորել խնդիրը։
«Իհարկե, այդ հարցն Անկարան և Մոսկվան կարող են կարգավորել։ Ես գիտեմ, որ հիմա կողմերը քննարկում են լուծման տարբերակներ՝ կա՛մ ապահովագրական ընկերության ընտրություն, կա՛մ թույլտվություն, որ ռուս ապահովագրողները ևս կարողանան այդ գործընթացին մասնակցել։ Հնարավոր է և երրորդ տարբերակը՝ համատեղ ապահովագրական ընկերության ստեղծումը»,- ասել է Եգարմինը։
Նա ընդգծել է, որ գործընթացի արդյունքում անպայման լուծում կգտնվի, որովհետև «թուրքերը շատ պրագմատիկ են և չեն կտրի այն ալիքները, որոնք, ի վերջո, իրենց փող վաստակելու հնարավորություն են տալիս»։
Հավելենք, որ Թուրքիան արգելել է Բոսֆորով ու Դարդանելով առանց P&I ապահովագրության նավերի անցումը։ Դա հանգեցրել է նրան, որ նեղուցների մուտքի մոտ շուրջ հարյուր նավ է կուտակվել, որոնց թվում կան ռուսական և ղազախական նավթով բեռնված նավեր։
Էմմա Չոբանյան
