16.09.2026 | 14:51
Երևանում երեք կառուցապատողի մոտ բացահայտվել է 2.43 մլրդ դրամի թերհայտարարագրված շրջանառություն
Լուկաշենկոն բողոքել է, որ ստիպված է եղել ոտքով հասնել ԵՏՄ խորհրդի նիստի անցկացման վայր
Քաղաքականություն
09.12.2022 | 12:59
Բելառուսի նախագահ Ալեքսանդր Լուկաշենկոն դժգոհել է «թույլ Mercedes-ից, որի պատճառով ստիպված է եղել քայլել՝ հասնելու Եվրասիական տնտեսական միության գործընկերների հետ հանդիպմանը», գրում է ՏԱՍՍ-ը։
Ռուսաստանի, Հայաստանի, Ղազախստանի ղեկավարները հանդիպման վայրին են մոտեցել մեքենաներով։ Մինչդեռ Բելառուսի նախագահի կողքին, որը բարձրացել է շենքի աստիճաններով, մեքենա չի երևացել։
Ներս մտնելով՝ Լուկաշենկոն մոտեցել է գագաթնաժողովը «հյուրընկալող» Ղրղզստանի նախագահ Սադիր Ժապարովին և պարզաբանել. «Ուշացել եմ, չէ՞»։
Գործընկերոջ ձեռքը սեղմելուց հետո նա բացատրել է. «Mercedes-ները թույլ են, գործի չեն ընկնում։ Ոտքով եմ եկել»։ Դրանից հետո երկու նախագահները ծիծաղել են, լուսանկարվել ու գնացել ժողովի վայր։
Նշենք, որ Բիշքեկում անցկացվում է ԵՏՄ գագաթնաժողովը, որին մասնակցում է նաև ՀՀ վարչապետ Նիկոլ Փաշինյանը։ Ռուսական կողմի տեղեկացմամբ՝ գագաթնաժողովի շրջանակում նախատեսվում է Փաշինյանի առանձնազրույցը ՌԴ նախագահ Վլադիմիր Պուտինի հետ։
Տաթև Ֆռանգյան
