02.05.2024 | 23:13
Ադրբեջանի իշխանությունները կրկին չեն արտոնել ընդդիմության հանրահավաքը
ՀՀ-ի տնտեսական աճը ռեկորդային է՝ նաև ՀՀ եկած տաղանդավոր մարդկանց շնորհիվ․ Վահան Քերոբյան․ ՏԵՍԱՆՅՈՒԹ
Տնտեսություն
09.12.2022 | 12:02
Մատենադարանում ընթանում է «Silicon Mountains 2022» միջազգային տեխնոլոգիական գագաթնաժողովը, որը նվիրված է թվային լուծումների կիրառմանը տնտեսության տարբեր ճյուղերում:
«2022թ․ ՀՀ-ի տնտեսական աճը համարյա ռեկորդային է»,- գագաթաժողովում ելույթ ունենալով՝ այս մասին ընդգծեց ՀՀ էկոնոմիկայի նախարար Վահան Քերոբյանը։
Նախարարի դիտարկմամբ՝ տնտեսական բարձր աճն ապահովելու մեջ ամենամեծ ներդրումն ունեցել է բարձր տեխնոլոգիական ոլորտը՝ թե՛ ուղղակի, թե՛ անուղղակի կերպով․ «Այս տարի մոտ 50 տոկոս աճ է գրանցվել ՏՏ ոլորտում։ Բացի դրանից՝ տնտեսական ճգնաժամի պատճառով Հայաստան եկան բազմաթիվ տաղանդավոր մարդիկ, որոնք իրենց ներդրումն ունեցան ոչ միայն ԲՏԱ ոլորտում, այլ նաև հարակից այլ ոլորտներում և խթանեցին աճը»։
Քերոբյանը հավելեց, որ, այնուամենայնիվ, ոլորտն ունի խնդիրներ, դրանցից է այն, որ դրամի կտրուկ արժևորման պատճառով ոլորտի շատ ընկերություններ հայտնվել էին օրհասական վիճակում։ Սակայն, նախարարի հավաստմամբ, կառավարությունն այդ ընկերություններին տրամադրեց անհրաժեշտ փրկօղակ։
«Նպատակ ունենք Հայաստանը աշխարհում դարձնել մրցունակ երկիր։ Այդ պլանը մենք ունենք»,- նշեց Քերոբյանը։ Նա նաև վստահեցրեց, որ կառավարությունը մեկնարկել և իրականացնում է տնտեսության արդիականացման ծրագրեր։
Մանրամասները՝ տեսանյութում։
