19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Հրոսակախմբերը, որոնք ահաբեկում էին ընտրողներին, կապի մեջ էին ոստիկանների հետ․ վերջին ընտրություններին էլ եմ նկատել․ Վիգեն Խաչատրյան․ ՏԵՍԱՆՅՈՒԹ
Քաղաքականություն
08.12.2022 | 18:02
ԱԺ պետական-իրավական հարցերի մշտական հանձնաժողովում առաջին ընթերցմամբ քննարկման ներկայացվեց Կառավարության հեղինակած ««Կառավարության կառուցվածքի եւ գործունեության մասին» օրենքում փոփոխություններ և լրացումներ կատարելու մասին» և կից` 36 օրենքների նախագծերի փաթեթը:
Առաջարկվում է ստեղծել Ներքին գործերի նախարարություն, որին ենթակա մարմիններ են լինելու ՀՀ ոստիկանությունը, Միգրացիայի և քաղաքացիության ծառայությունը և Փրկարար ծառայությունը: Ստեղծվելիք նախարարության ենթակայությանն են հանձնվելու նաև «ՀՀ ոստիկանության կրթահամալիր» և «Ճգնաժամային կառավարման պետական ակադեմիա» ՊՈԱԿ-ները:
Քննարկման ընթացքում պատգամավորները ներկայացրին իրենց տեսակետներն ու մտահոգությունները:
«Անկախության տարիներին ոստիկանությունը, ինչպես նաև այլ ուժային կառույցները ներքաշվում էին այնպիսի գործառույթների մեջ, որոնք չէին բխում իրենց պարտականություններից՝ մասնավորապես ընտրությունների վրա ազդեցությունը։ Եվ հրոսակախմբերը, որոնք ահաբեկում էին ընտրողներին, ընտրակեղծիքներ էին կազմակերպում, սպասարկում էին օդեոզ խմբերի, անմիջական կապի մեջ էին ոստիկանական կառույցենրի հետ։ Հիմա էլ կան, վերջին ընտրություններին էլ եմ նկատել։
Ոստիկանությունը և այլ ուժային զինանոց ունեցող կառույցները սերտաճած էին կրիմինալ տարրերի հետ․․․ Ոստիկանությունն անհարկի քաղաքականացված էր։ Այս փոփոխությունները կարող ենք բարեփոխում համարել, եթե երաշխավորենք այս այլանդակ երևույթների վերացումը»,- նշեց Խաչատրյանը՝ առաջարկելով հիմնավորումներ բերել, թե ինչպես է բացառվելու ուժային կառույցների քաղաքականացումը, կրիմինալ աշխարհի հետ սերտաճումը։
Մանրամասները՝ տեսանյութում։
