07.06.2026 | 12:18
Ժամը 11։00-ի դրությամբ քվեարկությանը մասնակցել է ընտրական իրավունք ունեցող քաղաքացիների 14.48%-ը․ ԿԸՀ
«Ադրբեջանն Իրանից անջատվել է Քաջարների շահերի ապաշնորհության պատճառով»․ ԻՀՊԿ գլխավոր հրամանատարի տեղակալ
Քաղաքականություն
08.12.2022 | 15:21
Ադրբեջանն Իրանից անջատվել է Քաջարների շահերի ապաշնորհության պատճառով։ Այս մասին Twitter-ի իր միկրոբլոգում գրել է Իսլամական հեղափոխության պահապանների կորպուսի գլխավոր հրամանատարի տեղակալ, կոնտրադմիրալ Ալի Ֆադավին։
«Ադրբեջանի ժողովուրդը հավատացյալ շիաներ են, ովքեր չեն կորցրել իրենց իսկական շիա համոզմունքները կոմունիստական 70 տարվա ճնշման տակ: Որպես կանոն՝ պետք է լինի կառավարություն, որը հատուկ ուշադրություն կդարձնի Ադրբեջանի այս շիա մեծամասնությանը»,- գրել է Ֆադավին։
Նշենք, որ Իլհամ Ալիևի կառավարությունն այսօր ճնշում է գործադրում շիա կրոնական գործիչների նկատմամբ։ Նրանցից շատերը հալածվում են, շիաների կրոնական ծեսերն արգելված են, բախվում են նաև այլ խնդիրների։
Տաթև Ֆռանգյան
