Քաղաքական դրամա Պերուում․ նախագահ Կաստիլյոն փորձել է ցրել խորհրդարանը, սակայն հեռացվել է պաշտոնից և կալանավորվել

Լուրեր

20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
20.11.2026 | 20:37
ԵՄ-ն ու Մեծ Բրիտանիան Brexit-ից հետո կապերն ամրապնդելու համար «նշանակալի համաձայնագիր» են կնքել
20.11.2026 | 20:25
Գյումրիում ԵԱՏՄ երկրների մաքսային ծառայությունները 21 որոշում են ընդունել․ Հակոբյանը վերանշանակվել է կոլեգիայի փոխնախագահ
20.11.2026 | 20:13
Հունգարիան հանել է վետոն ԵՄ-ին Ուկրաինայի անդամակցության համար 4-րդ և 5-րդ կլաստերները բացելու հետ կապված
20.11.2026 | 20:00
Ադրբեջանը կստորագրի Խաղաղության համաձայնագիրը, եթե ԹՐԻՓՓ-ի իրագործումը տեսանելի դառնա․ Սահմանադրությունը պատրվակ է․ Արմեն Պետրոսյան․ ՏԵՍԱՆՅՈՒԹ
20.11.2026 | 19:51
Չհամարձակվե՛ք մեզ ասել, որ մենք դեմ ենք խաղաղության գործընթացին․ Արամ Վարդևանյան. ՏԵՍԱՆՅՈՒԹ
20.11.2026 | 19:40
ՌԴ-ն մանրամասներ է հայտնել Ղրիմի կամրջի վնասների մասին
20.11.2026 | 19:30
ՀԱՊԿ-ը կարող է հեռացնել ՀՀ-ին՝ առանց նրա համաձայնության․ ինչո՞ւ չի անում և ի՞նչ է նախատեսում կանոնադրությունը 
20.11.2026 | 19:21
ՀՀ-ում հասարակական կազմակերպությունները թափանցիկ են աշխատում․ Թագուհի Ղազարյան. ՏԵՍԱՆՅՈՒԹ
20.11.2026 | 19:12
Խաղաղության պայմանագիրը բերե՛ք, ստորագրենք, վավերացնե՛նք․ Վարդևանյան. ՏԵՍԱՆՅՈՒԹ
20.11.2026 | 19:00
Փաստը, որ ԱՄՆ-ը քննարկում է եվրոպական անվտանգության ճարտարապետությունը, հաղթանակ է Մոսկվայի համար․ Կուրտ Վոլքեր․ ՏԵՍԱՆՅՈՒԹ
20.11.2026 | 18:52
«Էս մարդիկ խաղաղության վերջին խոչընդոտն են». Ռուբեն Ռուբինյան. ՏԵՍԱՆՅՈՒԹ
20.11.2026 | 18:43
Պարոն Ռուբինյա՞ն, ի՞նչ կա էդքան ոգևորվել եք․ Աննա Գրիգորյան․ ՏԵՍԱՆՅՈՒԹ
20.11.2026 | 18:39
Եթե ՌԴ-ն գազը թանկացնի, իրավիճակը կկառավարենք․ պիտի որոշենք՝ կայսերական ամբիցիաներին տրվո՞ւմ ենք․ Արսեն Թորոսյան
Բոլորը

Պերուի խորհրդարանն իմփիչմենթի է ենթարկել նախագահ Պեդրո Կաստիլյոյին այն բանից հետո, երբ նա փորձել է ցրել երկրի օրենսդիր մարմինը։ Նախագահի երդումը տվել է փոխնախագահ Դինա Բոլուարտեն, իսկ երկրի՝ այժմ արդեն նախկին ղեկավարը հայտնվել է ոստիկանական բաժանմունքում․ նրան բերման են ենթարկել, գրում է BBC-ի ռուսական ծառայությունը։

Ավելի վաղ Կաստիլյոն հայտարարել էր, որ հանրապետության Կոնգրեսը (Պերուի խորհրդարանը) փոխարինում է արտակարգ ժամանակավոր կառավարությամբ։ Սակայն օրենսդիրներն անտեսել են նրա այս քայլը և արտահերթ նիստ հրավիրել, որի ընթացքում որոշել են իմփիչմենթի ենթարկել նախագահին։

Դրանից հետո Պերուի ոստիկանությունը Twitter-ում հրապարակել է ոստիկանական բաժանմունքում գտնվող Կաստիլյոյի լուսանկարները։ Հաղորդագրության մեջ իրավապահ մարմինները նրան անվանել են «նախկին նախագահ» և գրել, որ իրենց պարտականությունները կատարելու համար ստիպված են եղել միջամտել իրավիճակին։ Լուսանկարները հետագայում հեռացվել են։ Դրանից հետո հրապարակվել են կադրեր, որոնցում Կաստիլյոն ստորագրում է որոշ փաստաթղթեր։


Կառավարության կոռուպցիայի հետաքննությամբ զբաղվող դատախազների թիմի ներկայացուցիչ Մարտիա Բարրետոն հայտնել է, որ Կաստիլյոն ձերբակալվել է։ Agence France-Presse-ի աղբյուրները հայտնում են, որ նա կասկածվում է ապստամբության մեջ։

Մինչդեռ, խորհրդարանը որպես ժամանակավոր ղեկավար ճանաչել է գործող փոխնախագահ Դինա Բոլուարտին, որն անհապաղ կոչ է արել քաղաքական զինադադար հաստատել՝ ազգային ճգնաժամի հաղթահարման շահերից ելնելով:

Կաստիլյոն հայտարարել է, որ ցրում է ընդդիմադիր մեծամասնությամբ խորհրդարանը, ինչը շոկ է առաջացրել երկրի ներսում և դրսում։ Պերուի կառավարության մի քանի նախարարներ անմիջապես հրաժարական տվեցին, իսկ սահմանադրական դատարանի ղեկավարը նախագահին մեղադրել է հեղաշրջման փորձի մեջ։

ԱՄՆ-ը Կաստիլյոյին հորդորել է չեղարկել իր որոշումը, փոխնախագահ Բոլուարտեն նրան մեղադրել է սահմանադրական կարգը տապալելու մեջ, իսկ Պերուի ոստիկանությունն ու զինվորականները համատեղ հայտարարության մեջ ընդգծել են, որ կշարունակեն հարգել երկրի Սահմանադրությունը:

Հավելենք, որ Պերուն աշխարհում պղնձի երկրորդ խոշոր արտադրողն է: Այնտեղ արդյունահանվում են նաև ոսկի, արծաթ, անագ, ցինկ և նավթ։

Տաթև Ֆռանգյան