25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
«Ուկրաինայի նախագահ դարձած կատակերգուն վերաիմաստավորում է, թե ինչ է նշանակում լինել եվրոպացի ընդհանրապես». Politico
Քաղաքականություն
08.12.2022 | 11:55
Politico-ն Ուկրաինայի նախագահ Վլադիմիր Զելենսկիին անվանել է Եվրոպայի ամենաազդեցիկ մարդ․ նա գլխավորել է ամենամյա POLITICO 28 վարկանիշը, որում լրագրողները նշում են այն մարդկանց, ովքեր ձևավորում են մայրցամաքի դեմքը:
Այս վարկանիշին առնչվող իր հայտարարության մեջ Զելենսկին հույս է հայտնել, որ խաղաղությունը կգա արդեն հաջորդ տարի։ «Կարծում եմ, որ ուկրաինացիներն ամենաազդեցիկն են լինելու նաև հաջորդ տարի, բայց արդեն խաղաղ պայմաններում»,- ասել է Զելենսկին։
«Ուկրաինական բանակը, որը պաշտպանում է մեզ մարտի դաշտում, թիվ մեկն է»,- ասել է Զելենսկին։ «Շնորհակալություն Եվրոպայում մեր բոլոր ընկերներին, ովքեր օգնում են մեզ պահպանել կայունությունը և օգնում են միլիոնավոր մարդկանց հաղթահարել այս սարսափելի ժամանակը»,- նշել է Ուկրաինայի նախագահը:
Politico-ն Զելենսկիին Եվրոպայի ամենաազդեցիկ մարդ անվանելու որոշումը բացատրում է հետևյալ կերպ. «Եվրոպան փոխվում է։ Մայրցամաքը վերագնահատում է իր ռազմավարական հարաբերությունները՝ ավելի լրջորեն վերաբերվելով պաշտպանությանը, վերանայելով առևտրային քաղաքականությունը, ինչպես նաև ընդլայնման և էներգետիկ անվտանգության ոլորտում քաղաքականությունը։ Ավելի լայն իմաստով Ուկրաինայի նախագահ դարձած կատակերգուն վերաիմաստավորում է, թե ինչ է նշանակում լինել եվրոպացի ընդհանրապես»:
Երեքշաբթի օրը Զելենսկին «Տարվա մարդ» է ճանաչվել նաև Time ամսագրի կողմից։
Տաթև Ֆռանգյան
